Marcos 10

4 Bɔ ayɛɛn bubu: «Moyize áwi ngel yɛn bɔɔl m’obee b’ɔ̃kal obvie owi ndɛ ɔ̃nkaan wu okwa o bal, me ndɔɔ yi ambaal ndɛ ke bal.» 5 Obobɔ, Yeso olieel bɔ bubu: «Okɛɛn Moyize ákel byɛ ngel oyɔ, eli me ndɔɔ ɛ̃tswɛ mpɛn ɛ̃ byɛ. 6 Kɛn a k’obɛɛn, ŋ’ési Nziã ɔ̃nkiri, "ndɛ ási bɔ bɔɔl y’ɔ̃kaal." 7 "Obɔ otsɛn bɛn bɔɔl akieel ambal ola tal ye ngoo a ndɛ, me ndɔɔ yi akuru nzruru m’ɔ̃kal a ndɛ, 8 obobɔ, bɔ ange-buaal akal nzuru ngamɔ̃." M’emfa okyɛ, bɔ k’abekal baal buaal wɛ, ayii onge mbuul ngɔmɔ̃. 9 Oŋɔ̃ yɔɔl kwɛn b’ebvool Nziã, mbuul abee bɔ otsal.»