निर्गमन 27:9-18

9 "एने पुशो तोम्बुन खोली चापड़ी किरज्ये। तान देक्षिण उगेन केरता बारीक गुथीन बाणायेल फाड़कान आखा पोरदा टोलवीन होव होव आथा रेणे जुवी; एने एक उगेन ते ओलोस रेणे जुवी। 10 एने तान विच माय खांब बाणावजी, एने ज्यान केरता पितलीन विह पाया बाणावजी, एने खांबान आकड़ा एने तान पाट चांदीन रेणे जुवी। 11 एने तिहेस केरीन खोलीन उत्तर उगेन लांबाय माय बी होव आथ लांबा पोरदा रेणे जुवी, एने तान बी विह खांब एने न्यान केरता बी पितलीन विह बोहणे खासा रेणे जुवी; एने ता खांबान आकड़ा एने पाट चांदीन रेणे जुवी। 12 एने पोशी खोलीन चोवड़ाय दिह बुड़ता उगे पाचाह आथ पोरदा रेणे जुवी, तान खांब दोह एने बोहणेन खासा बी दोह रेणे जुवी। 13 एने तिहेस दिह उगता उगे खोलीन चोवड़ाय पाचाह आथ रेणे जुवी। 14 एने खोलीन बायणान बी पोंदरा आथ लांबो पुड़दो रेणे जुवी, एने तान खांबा तीन एने बोहणेन खासा बी तीन रेणे जुवी। 15 एने तिहेस केरीन दिहरी उगे बी पोंदरा आथ लांबो पुड़दो रेणे जुवी, एने तान बी खांबा तीन एने बोहणेन खासा बी तीन रेणे जुवी। 16 खोलीन बायणान केरता एक पुड़दो बाणावजी, जो निल्ला, जामण्या एने रातला रेंगान फाड़कान एने बारीक गुथील फाड़कान कारागीराफ बाणावील विह आथान रेणे जुवी, तान खांबा चार एने बोहणे खासा बी चार रेणे जुवी। 17 खोलीन कावदेन आखा खांबा चांदीन पाटला हेऱ्या जुढील रेणे जुवी, तान आकड़ा चांदीन एने बोहणेन खासा पितलीन रेणे जुवी। 18 खोलीन लांबाय होव आथ रेणे जुवी, एने तान चोवड़ाय बाराबोर पाचाह आथ रेणे जुवी, एने पुड़दो बारीक गुथीन बाणायेल फाड़कान बाणावजी, एने खांबान बोहणेन खासा पितलीन रेणे जुवी।