उत्पत्ती 21

इसहाक ने जेल्मो

1 बोगवान साराह बोरकेत आप्यो जिहकेरीन तो तान वाचा माय कियेल इतो 2 तेवी सारा डायावाराम अब्राहामा उगे रेन पेटावाली बोणनी, एने बोगवान ठेरायेल टेम पोर एक सुरो पायदा इनो।✝21:2 इब्रानियो 11:11 3 अब्राहामा उगे रेन सारान जो सुरो पायदा इयेल इतो, तो तान नाव इसाहाक मिल्यो। 4 जेवी तान सुरो इसाहाक आठ दिह्यान इनो, तेवी अब्राहाम बोगवानान उकुमान गेत तान खेतना किऱ्यो।✝21:4 उत्पत्ती 17:12; प्रेरितान काम 7:8 5 जेवी अब्राहाम ने सुरो इसाहाक पायदा इनो, तेवी तो एक होव वोरह्यान इतो। 6 एने सारा केयी, "बोगवान माहु खुसी आपेल हे; केरीन आखा होमेलनारे बी मार हेऱ्या खुस एती।" 7 पोशी ती ज्य बी केयो, "काय कुण केदी अब्राहामाह केय सेकतालो, काय सारा सोराह दुद पिवाड़ी? पुण दिखो, माहु तान डायावारा माय एक सुरो पायदा इनो।"

8 एने तो सुरो पोहानो, एने तान दुद पिणो सोड़वाय गीयो एने इसहाकान दुद सोड़नेन दिह, अब्राहाम मोटलो खाणान नेवता माणहाह आप्यो।

हाजीरा एने इश्माएला काड़ाय जाणो

9 एक दिह इश्माएल जो साराह मिस्री पावेरनी हाजीरान सोरो, जो अब्राहाम उगे रेन पायदा इयेल इतो, खेलतालो देखानो। 10 केरीन ती अब्राहामाह केयी, "ज्यी पावेरनीह सोरा हिऱ्योच काड़ दे। काहाकाय ज्यी पावेरनीन सोरो मारा इसाहाक हेऱ्यो नाय होमाय।"✝21:10 गलातीयो 4:29-30 11 ज्यी वात अब्राहामाह तान सोरान केरता जुलूम कोम लागनो। 12 तेवी बोगवान अब्राहामाह केयो, "ता सोरान एने तारी पावेरनीन केरता तुवाह खाराब नाय लागे; जी वात सारा तुवाह केय तीह मान, काहाकाय जो तारी वोस केवाय तो इसाहाक पोर रेन चाली।✝21:12 रोमीयो 9:7; इब्रानियो 11:18 13 पावेरनीन सोरा पोर रेन बी मी एक जात पायदा केरूह, केरीन काय तो तारो वोस हे।"

14 केरीन अब्राहाम विगोच उठीन रूटो चामड़ान थेयली माय पाणी बोरीन हाजीराह आप्यो; एने तीन खांदा पोर मिल्यो, एने तीन सोराह बी तिह आपीन तीह वाटे लागाड़ दिनो। ती जात रेनी, एने बेर्शेबा नावान जेंगलाम बोटेकणे बाज गियी। 15 जेवी थेयली वालो पाणी निवरी गीयो, तेवी हाजीरा ता सोराह एक जाड़ान जुरखील्या बुंदे मेल देनी। 16 एने तारेन थोड़ीक सेटीच जाएन एक जागे ज्य सोचीन मुय फिरावीन बोह गियी, काय "माहु सोरान मोत देखणे नाय पोड़ी।" तेवी ती आयड़ी आयड़ीन रेड़ने बाज गियी।

17 बोगवान ता सोराह रेड़नो हुमल्यो; एने तान दुत हेरगाम रेन हाजीराह आयड़ीन केयो, "हे हाजीरा, तुवाह काय एनो? मा बिय; काहाकाय जाहरी तारो सोरो हे। ताहरी रेन तान रेड़नो बोगवानाह होमलायेल हे। 18 उठ तारा सोराह विस एने तारा आथा केरीन होमाल; काहाकाय मी ता उगे रेन एक मोटली जाती बाणावुह।" 19 तेवी बोगवान तीन डोला उगाड़ दिनो, एने तिह एक कुवो देखानो; तेवी ती जाएन थेयलीम पाणी बोरीन सोराह पिवाड़ी। 20 एने बोगवान ता सोरा हिऱ्यो रिनो; एने जेवी तो मुठो इनो, तेवी तो परान नावान उजाड़ी माय रेतालो, एने एक विंदणार बुण गीयो। 21 तो पारान नावान जेंगला माय रेया केरतालो, एने तान आहख तान केरता मिस्र देसाम रेन एक बायकु मांगाड्यी।

अब्राहाम एने अबीमेलेकान विचीम वायदो बांदणो

22 ता दिह्या माय ओहलो एनो काय अबीमेलेक तान सेनापती पिकोलाह, आरही लेन अब्राहाम केणे बाज गीयो, "जो काय तु किरेह, ता माय बोगवान तार आरही रिथे।✝21:22 उत्पत्ती 26:26 23 केरीन एवी मार हिऱ्यो न्याहरी ज्या बाराम बोगवानान सुगोण खा काय तु नाय ते मार हिऱ्यो कोपेट किरहे, एने नाय केदी मारी वोसी हिऱ्यो किरहे, पुण जोहली गीण मी तार पोर किरेल हे, तोहलीच गीण माहु पोर एने ज्या देसा पोर बिजा माय तु रिते किरहे।"

24 एने अब्राहाम केयो, "मी सुगोण खाथु।"

25 एने अब्राहाम अबीमेलेकाह एक कुवान बाराम जो अबीमेलेक ने पावोर जोर केरीन सांडाड़ लियेल एता ती वात केयो, 26 तेवी अबीमेलेक केयो, "माहु नाह मालुम सोतो काय कुण ज्य काम किरेल हे; एने तु माहु नाह केयो, एने नाह मी आज वोर पेल ज्यान बाराम काय नाह हुमल्यो।" 27 तेवी अब्राहाम मेंड्रा बोकड्या एने डोरे अबीमेलेकाह आप्यो; एने ता दुयू आपसाम वाचा बांद्या। 28 अब्राहाम अबीमेलेक ने ओंगाण मेंड्रान टोलीह रेन सात गिदल्याह आंगे केर मिल्यो। 29 तेवी अबीमेलेक अब्राहामाह फुशो, "ज्या मेंड्रान सात पिलाह, जो तु आंगे केरीन मेल राखेल हे, काय किरन्यु हे?"

30 तो केयो, "तु ज्या सात पिलाह ज्यी वातीन पुरावो सोमजीन मारा आथाम रेन राख ले काय मी ज्यो कुवो खुदेल हे।" 31 ता दुय जाणे ता जागे आपसाम सुगोण खादा, ताच माय ता जागान नाव बेर्शेबा *21:31 बेर्शेबामेंड्रान कुवो मतलब सुगोण ने कुवोपोड़नो।

32 जेवी ता बेर्शेबा माय आपसाम वाचा बांद्या, तेवी अबीमेलेक एने तान सेनापती पिकोल उठीन पलिश्तीन देसाम जात रेना। 33 ओवतो अब्राहम बेर्शेबा माय जाउन*21:33 जाउआमलान गेत देखाणार जाड़ जाड़ ठाण्यो, एने ताहरी यहोवा हिऱ्यो जो जेलेमक्यो बोगवान हे, बोक्ती किऱ्यो।✝21:33 यशाया 40:28; 1 तीमुथीयुस 1:17 34 एने अब्राहाम पलिश्तीन देसाम जुलूम दिह वोर पाराया देसावालो बोणीन रिनो।