यहोशु 12

मुसा राजा आरवेल

1 ✝ 12:1 गिनती 21:21-35; व्यवस्था 2:26; 3:11 इस्राएल ने माणहे यरदन ने ती पार पुर्व उगे, मतलब अर्नोन गाटे रेन हेर्मोन बोयड़े पोर वाला देस, एने आखा पुर्व अराबान जा राजाह इस्राएल ने माणहे मारीन तान देसाह तान आदिकार माय केर लियेल एता ता ज्या हेते; 2 हेशबोन हेयराम रेणार एमोरी माणहान राजा सीहोन, जो अर्नोन गाटान देड़े अरोएर रेन, एने ता गाटान विचीवाला हेयराह सोड़ीन यब्बोक नेदी वोर, जी अम्मोनीन एद्दी हे, आदा गीलाद पोर आदिकार चालाड़तालो। 3 तो किन्नेरेत रेन खारा देरीया वोर यरदन ने पुर्व उगेन देसा पोर बी आदिकार चालाड़तालो एने बेथशीमोत रेन अराबा देरीये वोर देक्षिण पिसगान आड़वायान नेचो वोर आदिकार चालाड़तालो।

4 बाशान ने राजा ओगान राज वोचेल रपाई माणहाम रेन इतो, ओग राजा अशतारोत एने एद्रेई माय आदिकार चालाड़तालो। 5 एने तो हेर्मोन बुयड़ो सल्‍का, गशुरी, माकीन न्यान एद्दी वोर आखो बाशान एने हेशबोन ने राजा सीहोन ज्यान राज्‍यान एद्‍दी वोर आदा गीलादा पोर राज केरतालो।

6 ✝ 12:6 गिनती 32:33; व्यवस्था 3:12 यहोवान सेवक मुसा एने इस्राएल ने माणहे ज्या आखा राजाह आरीव देना, एने यहोवान सेवक मुसा तान देस रूबेनी, गादी एने मनश्शेन आदा टोलान माणहाह सोतान ईसो बोणनेन केरता आप दिनो।

यहोशुन द्‍वारा राजाह आरेवणे

7 इस्राएल ने माणहे ता देसान राजाह बी आरीव दिनो, जो यरदन नेदीन पश्‍चिम माय इतो; यहोशु माणहाह ज्या देसाम ली गीयो, यहोशु माणहाह ज्‍यो देस आप्यो एने ज्याह बारा कुटूमाम वाट दिनो, ज्‍यो तो देस इतो जो ताह आपणेन केरता यहोवा वचन आपेल इतो; ज्‍यो देस लबानोन ने गाटाम बालगाद एने सेईर ने आहने हालाक बोयड़ान विचीम इतो। 8 ज्‍याम हित्ती, एमोरी, कनानी, परिज्जी, हिववी, एने यबूसी, जा बोयड़ावाला देसाम एने नेचावाला देसाम, एने अराबा माय, एने आड़वायान देसाम एने जेंगलाम, एने देक्षिण देसाम रेताला। 9 यरीहोन राजा, बेतेल ने आहने आईन राजा; 10 यरूशलेम ने राजा, हेब्रोन ने राजा; 11 यर्मुत ने राजा, लाकीशान राजा; 12 एग्लोनान राजा, गेजेरान राजा; 13 दबीरान राजा, गेदेर ने राजा; 14 होर्मान राजा, अरादान राजा; 15 लीबनान राजा, अदुल्लाम ने राजा; 16 मक्केदान राजा, बेतेलान राजा; 17 तप्पुहान राजा, हेपेरान राजा; 18 अपेक ने राजा, लशारोनान राजा; 19 मादोन ने राजा, हासोरान राजा; 20 शिम्रोन मरोन ने राजा; अक्षापान राजा 21 तानाकान राजा, मगीद्दोन राजा; 22 केदेशान राजा, कर्मेल माय योकनाम ने राजा; 23 दोर नावान उचाला देसान दोरान राजा, गीलगाल माय गोयीमान राजा; 24 तीर्सान राजा, आखा मिलीन एकतीस राजा एता।