यहोशु 13

बुय एवी उंजु बी लेणु हे

1 जेवी यहोशु जुलूम डुहो एय गीयो, ते यहोवा ताह केयो, "तु डुहो एने जुलूम वोयान एय जायेल हे, एने जुलूम देस रेय जायेल हेते, जा इस्राएल ने आदिकार माय उंजु वोर नाह आवा। 2 ज्या देस रेय जायेल हेते, मतलब पलिश्तीन आखो जागो, एने गशुरी माणहान आखो जागो। 3 तुमू मिस्र देसान एद्दी पोर शीहोर नेदी रेन उत्तर माय एक्रोनान एद्दी वालो जागो नाह लियेल सोता, तो एवी वोर कनानी माणहान हे; तुमूह राजा, अशदोद अशकलोन, गत, एने एक्रोन पाचु पलिश्तीन मुखीह, एने ता अव्वी माणहाह आरेवणु हे। 4 ओवतो अपेक एने एमोरीन एद्दी वोर कनानीन आखो देस, एने सीदोनीन मारा नावान देस, 5 ओवतो गबालीन देस, एने पुर्व उगेवालो हेर्मोन बोयड़ान नेचा बालगाद रेन हमात ने गाटे वोर आखो लबानोन ईलाको, 6 ✝13:6 गिनती 33:54ओवता लबानोन रेन मिस्रपोतेम वोर बोयड़ाम रेणारे, आखा सीदोनी, न्याह मी इस्राएली माणहान सामने रेन निकाल देह; तु फोक्‍तो मारा उकुमान गेत चिट्‍ठी टाक टाकीन तान देस इस्राएलीह वाट दे। 7 केरीन तु एवी ज्या देसाह नोव कुटूमाम एने मनश्शेन आदा कुटूमाम वाट दे।"

यरदन ने पुर्व बागान वाटणो

8 ✝ 13:8 गिनती 32:33; व्यवस्था 3:12 रूबेनी एने गादीह ते तो ईसो जुड़ जायेल इतो, जो मुसा ताह यरदन ने पुर्व निही आपेल इतो, काहाकाय यहोवान सेवक मुसा ताहास आपेल इतो, 9 मतलब अर्नोन नावान गाटान देड़ेवाला अरोएर रेन, एने तास गाटान विचीवाला हेयराह सोड़ीन दिबोन वोर मेदबान आहनेवालो आखो सापाट देस; 10 एने अम्मोनीन राजा सीहोन जो हेशबोन माय राज किऱ्यो, तान एमोरी माणहान एद्‍दी वोर आखा हियोर; 11 एने गीलाद देस, एने गशुरी एने माका माणहान एद्‍दी, एने आखो हेर्मोन बुयड़ो, एने सल्‍का गाव वोर आखो बाशान ईलाको। 12 बाशान माय ओगानान पुरो राज, जो अशतारोत एने एद्रेई माय राज केरतालो, वोचेल रपाई माय फोक्‍तो तोस रेय जायेल एतो, काहाकाय मुसा ताह मारीन तान देसाम रेन निकाल दियेल इतो। 13 पुण इस्राएली गशुरी एने माकीह तान देसाम रेन नाह निकाल्यो; केरीन गशुरी एने माकी इस्राएलीन विचीम आज वोर रेतेह।

14 ✝ 13:14 व्यवस्था 18:1 एने लेवीन गेराणाह तो काल्लो ईसो नाह आप्यो; काहाकाय इस्राएल ने बोगवान यहोवान वचनान गेत तास ने बेट तानकेरता ईसो ठेराय।

रूबेन ने गेराणाह आपेल ईस्‍सो

15 मुसा बुईन ईसो रूबेन ने वोसीन कुटूमाह तान सोतान ईसो हे केरीन वाट दियेल इतो। 16 मतलब अर्नोन नावान हाकड़ा गाटान देड़ेन अरोएर रेन एने तास गाटान विचीवाला हेयराह सोड़ीन मेदबान आहनेवालो आखो सापाट देस; 17 उवतो हेशबोन एने सापाटीवाला आखा हियोर, मतलब दिबोन, बामोतबाल, बेतबालमोन; 18 यहस, कदेमोत, मेपात, 19 किर्यातेम, सीबमा, एने गाटामवालो बोयड़ा पोर वालो सेरेथशहर, 20 बेतपोर, पिसगान आड़वाया एने बेथशीमोत एता। 21 एने सापाटीवाला आखा हियोर एने एमोरी माणहान राजा सीहोन जा पोर राज किरेल इतो, तो ईलाको इतो, पुण मुसा ताह एने मिद्यानी माणहाह आरायेल इतो। मुसा एवी, रेकेम, सुर, हुर, एने रेबा नावान मिद्यान ने मुखीह बी मार दियेल इतो, जा सीहोनान ठेरायेल आखा मुखी तास देसाम रेताला। 22 एने इस्राएल ने माणहे दिहरा माणहा हेऱ्या बोरान बिटोख बिलामाह बी जो जाणाव केरतालो तालवार केरीन मार टाक्या। 23 एने रूबेनीन बुयीन एद्दी यरदन नेदी एती, रूबेनीन ईसो तान वोचीन पारमाणे हियोर एने गावा बेल ज्‍योस ठेरानो।

गादान गेराणाह आपेल ईस्‍सो

24 ओवतो मुसा गादान कुटूमाह बी वोचीन पारमाणे तान सोतान ईसो केरीन वाट दिनो। 25 याजेरान एने गीलादान आखा हियोर, मुसा ताह अम्मोनी माणहान बुयीन आदो ईसो रब्बान आहने अरोएर वोर आपेल इतो। 26 एने हेशबोन रेन रामत-मीस्पे एने बेतोनीम वोर, एने महनेम रेन दबीर ने एद्दी वोर, 27 एने गाटाम बेतहारम, बेतनिम्रा, सुक्कोत एने सापोन एने यरदन नेदीह एद्दी मानीन हेशबोन ने राजा सीहोनान राज्‍यान वोचेल ईसो, जो यरदन नेदीन पुर्व माय किन्नेरेत देरीयान सेवटे वोर पोसरेल हे। 28 गादी माणहान ईसो तान वोस एने गेराणान पारमाणे हियोर एने गावा बेल ज्यास ठेराना।

पुर्व उगे मनश्शेन आदा गेराणाह आपेल ईस्‍सो

29 ओवतो मुसा मनश्शेन आदा गेराणाह बी तान सोतान ईसो केर दिनो; तो मनश्शेन आदा गेराणान सोतान ईसो तान वोचीन पारमाणे ठेरानो। 30 तान ईसो ज्‍यो इतो, महनेम रेन आखो बाशान मतलब बाशान ने राजा ओगान आखो राज्य, एने बाशान माय याईरान साठ हियोर, 31 एने गीलादान आदो ईसो, एने बाशान माय ओगान राज्‍याम वोहेल अशतारोत एने एद्रेई हियोर, ज्‍यो ईसो मनश्शेन बिटोख माकिरान वोस ने केरता मतलब माकीरा आदि वोचीन सोतान ईसो तान वोचीन पारमाणे ठेराय। 32 जो जागो मुसा मोआब ने मोयदाना माय यरीहोन आहने यरदन नेदीन पुर्व उगे वाट दिनो ता ज्यास हेते। 33 ✝13:33 गिनती 18:20; व्यवस्था 18:2पुण लेवीन गेराणाह मुसा काल्लो जागो नाह आप्यो; इस्राएल ने बोगवान यहोवास तान वचनान गेत तान ईसो ठेरानो।