Efésios 6

Tinggwang reunet

10 Kekambe, Rampaube gade nah pe kengkieng gade ngkiengbam lulo.*6:10 Ngkiengbam lulo: Paul Galatiame de Rampaube kengkieng rünne gade kengkieng keregui bamlie kecu rang nsung gai. 11 Tinggwang reunet pelane teulu, iciude nnui herakesiabe heciem teikela gade ngkieng luzie. 12 Kedanemene anui mi teih nah mi jai de ngngwa keregi ma, dede kedime, kengkieng keteumedung, kideu kemui teu kebamme, tinggim ga kesia rabe maadungde ngngwa renia bamlu. 13 Aide ziemne, Tinggwang reunet pelane teulu, iciude nnui kesiabe tingdau regi sap luzie, nah ma aidungde teikap lude, nnui sap ntip luzie. 14 Ciziemne, kesangbe le nnui kia kanglu, nah kesamsangbe le nnui hekarakcum teilwe sap ntiplu, 15 nah lungciep samliakeyi de le teu nnui picum teilwe mtei pwabam muilu. 16 Mapelane gade kenlum geu punglu, cide le nnui kesiabe lakpitsi heu kebam pelane teimmüt lubui. 17 Nah kelikelu peurwa nah Kemci Rabe kiengtie de keulu, cide au Tinggwang sam.