15 जो माअरी गोठी कोअतुतो, तिया देवदुतोपोअ होयर, तियाआ गेटोअ आन तियाआ पितड़ाआ आन वाड़ीही मापीइलोअ काजे एक होनाआं बुओं ओतो. 16 तों होयर शार खुण्यो ओतो, तों नांबोन पोलो हारकोज ओतो; तिये देवदुते बुआं वाअहीं होयर माप्यो, ताहां तों बेन हाजार शार होव किलो मिटर निहींयो: आन तों नांबोन पोलो आन उसो हारकोज ओतो. 17 तिये देवदुते तिया होयरोअ मेरेमेरे पितड़ाआ वाड़ीइ माप लेदो, ताहां तों माअहुंउं मापोअ देवदुते वापर कोअयू, तिया मापोअ पुरमाणे एक होवेन शोवरेशाड़ीस आथ उसो निहींयो.
Publicidade