नवो येरुसालेम
9 जे हांत देवदुत हांत वाटका लेत कोइत ओता, जिहींमेहें सेलवार्यीइ हांत पिड़ा पोइत ओती, तियांमेहें रोत एके जोएं माआं जागे आवीत कोइत कोयो, "एहें आव, आंय ताहूं वोड़ली, मेडाआ लाडी देखाड़ीहीं." 10 ताहां आंय आत्मावाअहीं पोआइत गोयू, आन देवदुत माहूं एका जाअखीलाहा वोडा आन उसा डोगोपोअ लेत गोयू. तिये माहूं येरुसालेम सोको होयर होरगाम देवोअ जागे रोत निसे उतरीइत्लाहा देखाड़्यो.21:10 यहे 40:2 11 तों होयर देवोअ महिमा वाअहीं हिंगरात ओतो; आन तियाआ उजालो मोगला डोणोअ आन समकीइनारा डोणोअ होस समकीइतोतो. 12 तियाआ मेरेमेरे एक वोडी आन उसी पितड़ाआ वाड़ ओती, जियीमेहें बारा गेट ओता आन हारेक गेटोपोअ एकेक देवदुत ओता; आन तियां गेटोपोअ इस्राएलोअ बारा कुलोअ नावे लेखल्ये ओते. 13 उक्तामाअहें तिन बाएं; आन पालामाअहें तिन बाएं; देहामाअहें तीन बाएं आन बुट्टामाअहें तिन बाएं ओते.21:13 यहे 48:30-35 14 होयरोअ पितड़ाआ वाड़ बारा डोणोअ पायापोअ उबी ओती, आन तियां डोणोपोअ मेडाआ बारा प्रेशितोंअ नावे लेख्येते.