João 15

दाराक्शाआ वेलो आन डाली

1 "खोरो दाराक्शाआ वेलो आंय होय, आन माआं आब्हू जागल्यू होय. 2 जे डाली मामेहें होय आन नाहां फलती, तियी हारेक डालीही तो वाडीत टाकेहे; आन जे फलतीही, तियींहीं तो जाअखी फले तेहें काजे सिंदीत टाकेहे. 3 तुमू तोम मी कोयोहो तिया शिक्शणो वाअहीं पेलुज रोत सोके ओवेहे. 4 तुमू मामेहें रोवा, आन आंय तुमामेहें रोहीं. जेहें कोइत फाकड़ी जर दाराक्शाआ वेलामेहें ने रोये, ताहां ते नाहां फलीत सेकती. तेहेंज कोइत तुमू बी जर मामेहें ने रोहा ताहां नाहां फलीत सेकते.

5 "आंय दाराक्शाआ वेलो होय आन तुमू फाकड़ी होये. जो मामेहें रोहे आन आंय तियामेहें रोहो, तों जाअखीलोहो फल आपेहे, काहाके मापरोत आंगे ओत कोइत तुमू किज बी ने कोइत सेकत्ले.