João 6

53 ईसु तियांहां कोयो, "आंय तुमुहूं खोरीज कोहो के जाअहूं जाआं तुमू माहुंउं बेटाह्हाअ डिल ने खाहा, आन तियाआ रक्त ने पीहा, ताअहूं जाआं तुमामेहें जिवन नाहां रोनारो. 54 जो माआं माहां खाहे आन माआं रक्त पीहे, हादाजल्म्योंअ जिवन तियाआज होय; आन आंय तियाहा आखरीइ दिही फाशुउ जिवाड़ीहीं. 55 काहाके माआं डिल हादामक्योज खाअलाअ रोटू होय, आन माआं रक्त हादामक्योज पीइलाअ वस्तू होय. 56 जो माआं डिल खाहे आन माआं रक्त पीहे तों मामेहें जिवतो रोहे, आन आंय तियामेहें जिवतु रोहो. 57 जेहें कोइत जिवते आब्हे माहूं मोकल्यू, आन आंय आब्हा वाअहीं जिवतु होय, तेहेंज कोइत जों माआं डिल खाये तों माआं वाअहीं जिवतो रोय. 58 जो रोटू होरगाम रोत उतर्‍युहू तो ओज होय, जो वेगाअ डायहां खादू आन फासाड़ी ते मोइत गोया; पोन जो या रोटाहा खाये, तो सादा जिवतो रोये."