Lucas 1

मरियाअ स्तुती गित

46 ताहां मरिया कोयो,

"माआं जिव प्रभुउ स्तुती कोअहे;

47 आन माआं आत्मा तारनारा देवोअ वाखरी खुसीम होय,

48 काहाके तिये तियाआ हानाली सेविकाहा ओर कोअयिही!✝1:48 1 शमु 1:11

तियाहा कोत पाला, ओमे रोत पिड़ीन-पिढ़ीइ माअहें माहूं धन्य कोय,

49 काहाके तिये ताकतवाले देवे माआं कोअते वोडे वोडे कामे कोअयेहे.

तियाआ नाव सोको होय;

50 जे तियाहा बितेहे,

तियांपोअ तियाआ दया पिढ़ीन पिढ़ी जाआं रोहे.

51 तिये तियाआ ताकत देखाड्‍यी,

आन जे सोताआ मोनोम वोडाय कोअतेते, तियांहां एड़फेड़ कोअये.

52 तिये जोरावार राजहांहां तियांआं राजगादी पोअ रोत ओदारी देदा;

आन तिये नम्र माहुंहूं उसे कोअये.

53 तिये फुकल्याहां हाजी वस्तु वाअहीं तारव्‍ये,

आन मालदारोहों ठाल्ले आथेज मोकली देदा.

54 आपाअ डायहांहां आपल्‍या वायदाअ पुरमाणे दया कोइत,

तो तियाआ सेवक इस्राएलोअ मदत कोउ आयू.

55 तियाहा अब्राहाम आन

तियाआ आखी पिड़ी पोअ कायम दया देखाडीइलाअ ओर रोयी."✝1:55 1 शमु 2:1-10