लुक 19

2 तिहीं एक जक्कय नावोअ नाकेदारोअ आधिकारी ओतू, तो जाअखीलुहू मालदार ओतू. 3 ईसु कोडू होय तो पालीइलोअ तिये कोशित कोअयी, पोन तो वांगरु ओतू तिहीं वाअहीं तियाहा ने देखीत सेकू. 4 ताहां तो ईसुहू पालीइलोअ काजे गुगदीइतुज आखा रोत आगाड़ी जातु रोयू आन एका उंबरोअ साड़ोअ उसे सोड़ीत लागू, काहाके ईसु तियीज वाटे आगाड़ी जानारु ओतू. 5 ताहां ईसु तियी जागे आयू, आन उसे पालित कोइत जक्कयोह कोयो, "ए जक्कय, वेगु निसे उतर, काहाके आज आंय ताअहीं रोनारु होय."

6 ताहां जक्कय ताबुड़ निसे उतरीत खुसी वाअहीं तियाहा हादीत लेत गोयू. 7 आखे माअहें ओं देखीत कोइत टुटणे वोल्ये, के "ओ माटी पाप्योअहीं होगवाड़्यू गोयुहू!"

8 ताहां जक्कय उबू रोत कोइत प्रभुहू कोयो, "प्रभुजी, पाल, आंय माआं आरदी मालमिलकत गरिबोहों वाटीत आपी देनारु, आन एखापोअ ठोगित माग्योय, तों बी शार भाग वापिस आपी देनारु."