लुक 22

पेत्राआ ईसुहू नाकारीइलो

54 तियां ईसुहू ओटक कोअयी आन ते तियाहा मुख्य पुंजाराआ कोओ लेत गोया. पेत्र सेटेज रोत तियांआं फासाड़ी जातुतो. 55 आन जाहां तें खोलीमेहें आग पेटाड़ीत बोठे, ताहां पेत्र बी तियांआं विसमेहें जात कोइत बोहीत गोयू. 56 ताहां तिहीं एक साकऱ्यी पेत्राहा आगीइ उजेड़ बोहीत रोल्यू देखीत तियाअहें सिणी नजरे वाअहीं पाल्यो आन कोनी वोल्यी, "ओं माहुंउं बी तोम तियाअरी ओतो."

57 पोन पेत्रे एहें कोत नाकार कोअयू, "बाय, आंय तियाहा ने ओलखीइत्लू."

58 एक तालेन फाशोअ एके जोएं तियाहा देखीत कोयो, "तु बी तोम तियांज मेर्‍युउ होये."

पोन पेत्रे कोयो, "नाहां रा, आंय कायनाहां!"

59 एखा तासोम एहेलोह एक माहुंउं साती ठोकीत कोनो वोल्यो, "हुदाअलीज ओ बी तोम तियाअरीज ओतू, काहाके ओ बी गालील वालू होय."

60 पोन पेत्रे कोयो, "नाहां रा, तु कि कोहे तोज माहूं नाहां समजाअतो!"

तो एहें कोयाज कोअतुतो आन एक्काइज कुकड़े वाहीं देदो. 61 ताहां प्रभु फासाड़ी फिरीत पेत्राअहें पाल्यो, आन पेत्राहा प्रभु कोल्यी ते गोठ ओर आवयी, "आज कुकड़ू वाहींइलाअ पेल तु माआं तीन वारी नाकार कोअही." 62 ताहरुउ पेत्र बारथे निहींत कोइत काहीं काहींइं रोड़ू वोल्यू.