Lucas 9

12 जेहेलाम दिही डोलु वोल्‍यु, तेहेलाम बारा सेला तियाआ जागे आवित तियाहा कोयो, "गर्दीही जाअहूं दे, ताहां तें आसे-पासेए गावोंम आन वोहतीमेहें जात कोइत रुकाय आन रोटाअ सोय कोए, काहाके आपू इंहीं हुंदली जागेहे होय."

13 पोन ईसु तियांहां कोयो, "तुमूज यांहां खाय तेहें आपा."

तियां कोयो, "आमापोअ पास रोटा आन बेन मासाआ सिवाय किज कायनाहां; जर ताआ इश्शा ओय ताहां आमू रोटू वेसातु लेत आवो के?" तें एक आंदास पास हाजार एतेहे माअहें ओते.

14 ताहां ईसु तियाआ सेलाहां कोयो, "यांहां पोन्नास-पोन्नास एतेहे रांगीमेहें बोहाड़ी द्या."

15 ताहां तियां तेहेंज कोअयो, आन आखाहा बोहाड़ी देदे. 16 ताहां ईसु ते पास रोटा आन बेन मासा आथोम लेदा, होरगाअहें पालित कोइत आभार मानित कोइत मुड़ीत-मुड़ीत माहुंहूं वाटेतेहें काजे सेलाहां आपतू गोयू. 17 ताहां आखे माअहें खात कोइत ताराअये, आन सेला उगरीइल्‍या कुटका विसीत बारा टोपले पोअये.