मार्क 8

34 ईसु गोरदीही तियाआ सेलाअरी आहने हादीत कोइत तियांहां कोयो, "जर एखाहा माआं फासाड़ी आविइलोअ ओय ताहां तो सोताहा नाकारुहूं जोवे. आन तियाआ क्रुस खांब आखलीत कोइत, माआं फासाड़ी आवुहूं जोवे.*8:34 मत्तय 10:38; लुक 14:27 35 काहाके जो कोडो तियाआ जिव वासाडुहूं होदे, तो तियाहा आरवे, पोन जो कोडो माआं काजे आन हाजी बातमीइं काजे तियाआ जिव आरवे, तो तियाहा वासाड़े.*8:35 मत्तय 10:39; लुक 17:33; योहान 12:25 36 जर माअहुंउं आखी दुन्या जिकीत लेदी आन सोताआ जिवोहो आरवीत टाक्यो ताहां तियाहा कि लाभ? 37 जिवोअ बोदले माहुंउं कि आपीत सेकेहे? 38 जो कोडो यी सिनाल आन पापी जातीइ विसमेहें माहूं आन माआं हिकवोणेहे लाजवाय, माहुंउं बेटुह्हू बी जाहां तो पवित्र देवदुतोंअ आरी तियाआ बाह्हाआ महिमामेहें आवे, ताहां तियाहा बी लाजवाड़े."