देवोअ सेवामेऱ्योअ जिवन
1 तिहीं वाईं माआं पाव्हीइला, आंय देवोअ दया ओर कोइत विनंती कोअहो के तुमाआं शरीरोहो जिवतो, सोको, आन देवोहो होबे एहलोहो गाराहा कोत होपी द्या, एज तुमाआं खरी सेवा होय. 2 यी दुन्याआ होस मा बोणहां; पोन तुमाआं मोनोअ नोवो ओत जाअलो वाअहीं तुमाअ उठीइलो-बोहीइलोअ बी बोदलाअतो जाअहूं जोवे, जिया वाअहीं तुमू देवोअ हाजाम हाजी, आन तियाहा गोमे एहेलिही हारीपुरी इश्शा कि होय ते ओलखीत सेकहा.
3 काहाके माहूं जोड़्यीही तियी मेरवानी वाअहीं आंय तुमामेर्याआ हारेक जोओंहों कोहो, के जेहलोहो समजुहूं जोवे तिया रोत वादार कोडोज बी सोताहा ने समजुहूं जोवे; पोन जेहलोहो विश्वासोअ मापोअ वाईं हारेक जोओंहों देवे वाटित आप्योहो, तेहेंज कोइत सोताहा समजुहूं जोवे.