1 जें विश्वासोमेहें लुले होय तियांहां तुमाअरी लेत साला, आन तियांआं सुकीइ के बोराबर याआ बाप्तिम जे विसार ओय ते गोठी लेत तियांअरी वादावादी मा कोअहा. 2 थोड़हा माहुंहूं लागेहे के खाअलाम आखोज सालेहे, पोन जें कमजोर विश्वासी होय, तें निस्ते पाजो पालो एतोज खातेहे. 3 जें खातेय तें ने खानाराहां निसे ने समजुहूं जोवे, आन जें नाहां खाते तें खानारांपोअ आरोप ने लागाड़ुहूं जोवे, काहाके देवे तियांआं स्विकार कोअयुहू. 4 तु कोडू होय जो बिहीराअ पावरोपोअ दोश लागाड़ेहे? ओ तियाआ मालिखुज होय जो ठरवेहे के तो निर्दुस होय के दोशी होय. आन तो तियाहा टिकाड़ीत मिके, काहाके तियाआ प्रभुज तियाहा निर्दुस ठरवीत सेकेहे.