रोमन 4:17-21

17 जेहलोहो वसन कोहे, "आंय ताहूं वारुज जातीइ आब्हू ठरव्युहू." तिया देवोअ होस जियापोअ तिये विश्वास कोअयू, आन जो मोल्याहां जिवाड़ेहे, आन जे गोठी होयज नाहां तियींइं नाव एहलोहो लेहे के समजा ते होय. 18 तिये बिगर आशामेहें बी आशा मिकीत विश्वास कोअयू, याअकाजे के तिया वसनोअ अनुसार "ताआ पारवाड़ एहलिही रोय," तो जाअखीली जातीइ माअहोंअ आब्हू बोणे. 19 तो जो एक होव वोरह्योंअ ओतू, तियाआ मोल्याआ हारको डिल आन साराआ वांज्यी दशा ओलखीत कोइत बी विश्वासोमेहें कमजोर ने ओवू, 20 आन ने अविश्वासी ओत कोइत देवोअ वायदापोअ सौंसु कोअयू, पोन विश्वासोम मजबुत ओत कोइत देवोअ महिमा कोअयी. 21 आन तिये खोरीज जाअयों के जियी गोठीइ देवे वायदो कोअयोहो, तो तियाहा पुरो कोइलामेहें बी ताकतवान होय.