1 तेहि च्येला याङ खो यहुदि झोमसि खिमला स्युसोङ। हतिया लाक्पा काकामि मिझि धु। 2 च्हि क्याइना ख्युइ हतिला ङालसुइ ङिनला टाक्तु च्युयोङ नाइरे खोला दोष सोरु मितेबा हति च्युइला धुलो। 3 तेहि ख्युइ लाक्पा काकामा मितेला नाइसोङ, "जुला सअ।" 4 येशुयी हतिबाला नाइसोङ, "ङालसुइ ङिनला ल कियाप कि अल कियाप, उ क्योपयाप कि मासि सोयाप, काङते ल ना?" हिन्नाङ हतिबा च्यामाना त्येसोङ।✝ 5 हतिबे सम क्योङबोला समतु च्युङदे स्येताङ लाँरे ख्युइ हतिबा पोरोला ताइसोङ तेहि हति मिला नाइसोङ, "ख्युइ लाक्पा क्योङ" हति लाक्पा क्याङसोङ राङ हति लाक्पा टासोङ। 6 तेहि यहुदिबा थोन्दे पुते खोला च्हिरु क्याइरे मासि सोज्याइ नाइरे फरिसितेबे हतितुइना राङ हेरोदि ङ्याबो ख्युइ विरोधला टोइ क्याइसोङ।

7 तेहि हति च्येला येशु रेँ लोब्टुबा ङ्याबो छो छोम्मुवा यहला पुइसोङ, राङ गालिलने मियि तुम छोम्मुवा झि ख्युइ च्येला पुइसोङ। हतिबा गालिलने यहुदियाला ढोयापयि चाला लेप्सोङ। 8 यहुदिया, यरुश्लेम, इदुमिआ, यर्दनयि फारकान राङ टुरोस राङ सिदोनयि फाला छुलोने मियि तुम छोम्मुवा झि ख्युइ हा:लाइयापयि लाइ थोइरे ख्युइ तेहा लेप्सोङ। 9 मियि तुमयि खोला मा लेयोङ नाइरे ख्युइ खुरि लोब्टुतेबाला रेँ चाला डुङगा झि तयार सोरु च्युसोङ। 10 ख्युइ लेइराङला टाक्तु च्युच्युका ति नाजा होएता पोरोयि खोला छुइ कि च्याइ खुहोङ नाइरे च्येररे किन्दु। 11 जब भाभा आत्मायि खोला थोङदे, हतितुइना ख्युइ चाला जु पुइमु चुरे जु नेन राङ क्ये तोनसोङ, "ख्योए कजसुबायि पिजा ना।"

12 हिन्नाङ खोला मा तोन नाइरे हतिबाला ख्युइ कडा आदेश पिन्सोङ।

13 हति च्येला येशु रिला थोनसोङ, राङ ख्युइ सम क्याक्याइबि मितेबाला क्ये ताङसोङ, राङ हतिबा ख्युइ तेहा लेप्सोङ। 14 राङ ङ्याबो त्योएयाप राङ टाइक्ये कितु चोङयापला ख्युइ लोब्टु च्युनङिला धामसोङ, 15 हतिबाला ढेतेबा धोनयापयि आङ याङ पिन्सोङ।

16 हति लोब्टु च्युनङितेबा धिबा राङ ना:सिमोन, काङति मिनला ख्युइ पत्रुस। 17 जब्दियायि पिजा याकुब राङ याकुबयि भाइ युहान्ना। ख्हुइ हतिबाला बोअनर्गेस, मदलब गजर्नयि पिजा नाङानयि मिन पिनसोङ। 18 अन्‍द्रियास, फिलिप, बारथोलोमाइ मत्ति, थोमा अल्फयसयि पिजा याकुब राङ थेदियस, सिमोन कनानि, 19 तेहि यहुदा इस्करियोत सुइ येशुला धोका पिन्दे।

20 हति च्येला याङ येशु खिमला पुइसोङ। याङ मि झोमसोङ, धि थु कि खोला ङ्योप्पा याङ साज्याइ माखुसोङ। 21 जब येशुयि प्येरायि धि थोइरे, हतितुइना खोला खेरयापयि चाला खो हतिने थोन्दे, चिचालानाना ख्युइ सम ठाउला मिधु नाइरे हतिबा नेन्दु। 22 यरुश्लेमने लेलेबि ठिमि शास्त्रिबे नाइसोङ, "धिला बालजिबुल ढे धु, राङ ढेयि ताक्पोयि लाम्ला राङ ख्युइ ढेतेबा धोनकिन।"

23 हिन्नाङ ख्युइ हतिबाला रेँ तेहा क्ये ताङदे प्येला नाइसोङ, "तुइयि तुइला च्हिरु क्याइरे धोन ङ्युइकिन? 24 रेन राज्य रेँ नाङला खा प्येना हति राज्य टिकि क्याइरे त्योए मिङ्युइबा। 25 काङ खिमयि याङ रेँ नाङला प्येना हति खिम टिकि क्याइरे त्योए मिङ्युइबा। 26 तेम्बारे तुइ तुइयि विरोधला लाँरे खा प्येरु च्युना हति टिकि क्याइरे त्योए मिङ्युइबा, हिन्नाङ हति सिनि भेला लेप छाछारा हुन। 27 रेनयि स्यु छेया मियि खिमला स्युरे ख्युइ क्यु समप्ति ठरे खेर मिङ्युइबा जब थु ख्युइ हति स्यु छेया मिला ताङला मितेबाने। तेहि पु ख्युइ ख्हुइ खिम लुटि कि ङ्युकिन।"

28 तेम्बारे, ङा ख्योएला नाज्याइ, मितेबे तिक्पा पोरो राङ कजसुबाला फा:ला ताम नानाइबा पोरो माप हुन। 29 हिन्नाङ पवित्र आत्मायि विरोधला फा:ला ताम नाङानला च्हि क्याइरे याङ माप मिहा, हिन्नाङ हति नामयाङ मिसिनयापयि तिक्पि लाइयि दोषि हुन। 30 ख्युइ धि वचन नाइसोङ, चिचालानाना "खोला भाभा आत्मा धु" नाइरे हतिबे नानाइबा धु।

31 तेहि मुइ आमा राङ ख्युइ भाइतेबा हतिया लेप्सोङ। 32 मियि तुम ख्युइ फाला छुलो ताताता धु राङ हतिबे खोला नाइसोङ, "तोइ, ख्युइ भैनि, आमा राङ ख्युइ भाइबा ख्योएला फिला फाकिन्दु।"

33 ख्युइ हतिबाला जवाक पिन्दे नाइसोङ, "ङाहि आमा राङ ङाहि भाइबा सुना?" 34 तेहि ख्युइ रेँ फाला छुलो काङ च्याला ताइरे नाइसोङ, "तोइ, धि राङ ना ङाहि आमा राङ भाइबा। 35 चिचालानाना सुइ कजसुबायि धोप्पा खाला ङ्यानकिन हति राङ ङाहि भाइ राङ ङाहि भैनि राङ आमा ना।"