1 Yesɔ ablaa abɛ tsene maa: <<Ine yi ne azɔb nuŋ waŋa ne vǝ ngɔŋ abɛ nau ndumo te avu azɔbɔ avar ate nten. 2 Fe a zhɔu ayir min ki te diu, <Aye nii tsǝn tem wɔi ne tu mi? Blam ki yiŋ ndi une nai nǝ min kɛ na ndum mi, te bam na duŋu na ndum kǝŋe ba.

3 <<Iwaŋ ndi ne sagu ndum ne adi tu maa, <M tei na kikin azizaŋa yi? Ngɔŋɔ muŋ ata ndumo. Bam yi ne mgbyamgbyaŋ kɛ ka dudu ba, fe Ishisha tem ne ben ki. 4 Mni zhi ki ndim na ndi, kɔ mte suk ndum muŋ ayaŋa, aneshir atei tam ne akɔb amen.>

5 <<Ankyak akɔ zhɔ kɔte neshir waŋ ndi ne ta hria ne aŋɔgɔ maa. Arib ne kuti me, <Ayi kin ŋgɔŋ amuŋɔ zeu?>

6 <<<Ambu sɔkwur amɛ tender iyi anyɛ zetun,> adi.

<<Ta azɔb ami, zisɔŋ andanda, te duŋ kɛ ŋli sɔkwur me nas.>

7 Fe akɔ rib ne Yaa amaa, Fǝ ihria mi yi kikin?>

Adiu,<<<Ai azhin azhiin kɛ alikama,>

<<A blau, <Baŋ azɔbɔ ami te kam aŋɔgɔ neyi tǝ bɛ ŋliu sɔkwur me tender ne tu mɔ.>

8 <<Ngɔŋ ne amkpama adi nǝ yaŋ gli ndum gli didige ndi ne nakǝ nten. Tǝ Aneshir abɛ gɔnmimi kǝŋe ayi nten ne na ki men inaŋ aner abaŋ ndi ayi abɛ laŋ abɛm. 9 Mbla zhin, na zhin ndum ne adudun ki yi gɔnmimi te yik akpa ye tu min, ndi iki me tei klɛ, atei ta zhin ne mkpǝmkpa yi sɔŋ sik.

10 <<Iwaŋ ndi ate kiu ki vetsɔb te ne kyui agli anenen, atei nugu ngɔŋ, fe waŋ ndi bate zhi kyu ivetsob agli ba, ba atei zhi gli ngɔŋ ba. 11 Iye mee ndi bau tei na zub ne azɔb ndi ne nǝgu ubǝ kam ŋɔgo ayi gɔnmimi ka, ŋɔwa atei tanyɛmɛ te baŋ azɔb adidik anegui? 12 Fe ate yi ndi bau tei zhi na azɔb ayi nuŋ nyak anenen ba, teu na kikin ne ki mi?

13 <<Igen ba tei naa aneshir angɔŋgɔŋ ayaa ndum mkpaŋ zhin ba. Ai kyak zhin te tanyɛmɛ ne zhin, kɔ abɛ nek tu maa bǝn zhin te kyak nuŋɔ. Bau tei zǝ Arik tena zǝ azɔb ba.>>

14 Iferisawa, abaŋ ndi asu ayi ne azɔb, ate wɔ mee akɔ gli Yesɔ. 15 A diba, <<Ai zhineba na ki yige ayi te aneshir abɛ yik ne akpamin, ama Arik ne zhi asusun amin. Iki yiŋ ndi aneshir ayige ba ire bǝn Arik ba.

16 <<Ibla nkenlɛ bǝn abɛ na ndum bla tɔ ti ne lɛ kɛ Arik ne di te Yɔɔna abe shɛ nyɛ. Ire mkpaŋ yuŋɔ, ilɛ kɛ men ike shu kɛ kɔb Arik ne bla kɛ, ankyak kɔte ŋɔwa asu tu maa tǝ bɛ gara. 17 Iyi ne sik te gbarshu bǝn gɔnmimi bǝ naŋ ndɔ inaŋ yiŋ ndi kɔ ntǝ ke ne lɛ kɛ cɛr iyi Musa bai naŋ dɔ ba.

18 <<Iwaŋ ndi ate kyak iwa maa tena ta wanuŋ ne lalɛ kǝ ze amba, kai lulum nuŋ ne ta iwa ndi ne kyagu nena lalɛ maayi.

19 <<Neshir nuŋ waŋ neyi ne adudunki, iki su yi duŋ maa iyi didilim te irɛ ngɔŋ tena yi ne kɔb didik. 20 Ne anɔkɔŋ kǝ kɔb maa ine ben ki nuŋ ndi a zhɔ sak maa te Lazaru, amkpaa ne ku kpa maa 21 aŋub mbumbur kili yiŋ ndi ŋgɔŋɔ nɛ li tǝ nɛ var hrie ne mimi tǝ wa abɛ vu ali. Ane viu ana nyɛ lak amkpaa ma.

22 <<Mkpaŋ ndi ine ben kime ne ku fe ine shar ayou Arik anyɛ baŋu ate zhɔk ne angus Ibrai. Ine yine adudunki nena nyɛ ku maayi tena ruu. 23 Nǝ min lu azǝn zhin te tsik kpa alǝk ayi ayik Ibrai tedi wa yik iyah, tena yik Lazaru ne nkɔn sa maa. 24 Fena akɔ zhɔu, <Itetɛ Ibrai, wɔ lɔ susun muŋ te shar Lazaru te bɛ yiŋ ven ŋɔk maa ne amashir ayiŋ me lǝlɛne, te myi ne min kɛ yik iyah ne lu.>

25 <<Ankyak Ibrai adiu, <Izu muŋ, shuzhi ne mkpaŋ kɛ yine iki didik mi, ndi Lazaru bane yi ne kinuŋ ba, fe azizaŋa Lazaru ayi amkpa ne wɔmen amaa te iwa uyi ne min kɛ yik yaa. 26 Ba amɛ ankyak ba, ne min mɔr bǝn iwa mgbɔk ŋgɔŋ yine angus amɔr, ndi abaŋ ndi atei wɔb ankɔŋɔ ane gar bene bɛ zhin ba yime ba, inuŋ bai glɔ aŋyak ben taba ba.>

27 <<A sagu ma tedi, <Tǝm mbenu, tetɛɛ, shar Lazaru ne kɔb tetɛɛ muŋ, 28 Tǝm yi ne amun zumɔr amɛ tuŋ. Tǝ bɛ gbaŋ ba atɔŋ, kǝr abɛ na zǝ ankɔŋɔ ane yik iyah awaŋa ba.>

29 <<Ibrai adiu, <Ayi ne Musa bǝn abɛ bla lɛ kǝ Arik; Duŋ ba abɛ wɔ ba.>

30 <<<Mkyak, tetɛɛ Ibrai,> Adi, <Tǝ nuŋ ne abɛ ku ate gar bene ba, atei duŋ lalɛ men,>

31 <<Adiu, <atedi ba tei wɔ Musa bǝn abɛ bla lɛ kɛ Arik ba, ba tei tanyɛmɛ bǝn nuŋ di ne ku te kama lu ba.>>>