1 Iber nuŋ yime Yesɔ a klikli ne kɔtɔŋ nek ne Janisara, ntsan aneshir ne kamɔ azik te zen wɔ lɛ kɛ Arik. 2 Fe a yik igu mɔtsɔtsɔb me yaa ne kɔtɔŋ nek ngɔŋ, abɛ vu ambɛ a zǝn ŋla burgi amene. 3 Fe Yesɔ ayir min gu kɛ Siman Biturus, a diu tedi abɛ gli igumɔ te nyɛ kɔtɔŋ nek. Ankyak akɔ zǝ sɔŋ te zen tsar aneshir ne min gumɔ.

4 Ndi Yesɔ ne lɛ klɛ, a di Siman Biturus, <<baŋ burgi mi zhɔk ne tiŋ amashir te vu ambɛ.>>

5 Siman Biturus a sagu ma, <<Iner ngɔŋ, ta ne yik ya rɛ bu ba ta ne vuŋ kinuŋ ba, ai wa udim, duŋ me tuk burgi me zhɔgo.>>

6 Ndi ne na me, ne vu ambɛ tetɛk, iburgi ne vu ambɛ izen gbuŋa. 7 Fe akɔ zhɔ akpa amɛn ndi ayi ne gu kɛ yaa ma te di abɛ nyɛ lɔk ba ma. ne nyɛ tɛ vu ambe ashak min igu mɛ yaa ma ndi tei rim.

8 Ndi Siman Biturus ne yik amɛ, azhaku ne ti kɛ Yesɔ te di, <<Kam tibɛ ni ti muŋ, Ngɔŋ; me yi ner ne lalɛ!>> 9 Biturus ben akpa amaa, ne vuŋ anu ne ambɛ abaŋ ndi ne vu ba, 10 Ane Yakubu bǝn Yɔɔna amumun abɛ Zebɛdi, akpa abɛ Siman Biturus. Fe Yesɔ adi Biturus <<duŋ te sisik ba, vuŋ rɛ azizaŋ te kɔmɔ ti utei Gli aneshir te nyɛ bene bɛm.>> 11 Ndi ne gli gumɔ te nyɛ kɔtɔŋ nek, ne duŋ kiki men bɔbɔk te zǝu.

12 Ndi Yesɔ ne yi ne min kɛ ntun nuŋ, iner ne kpuk ne nyɛ ben bau, ndi ne yik Yesɔ, ne zhaku te ku ti ma ne mimi te benu, <<Ŋgɔŋ, utǝ tanyɛme duŋ me rɛ.>>

13 Fe Yesɔ a nab ŋɔk ma te sa ner ne amkpuk ne kǝ, te di, <<mǝne tanyɛme, ubǝ rɛ>> ne amkpa amkpama akɔ rɛ.

14 Yesɔ akɔ gbaŋu atɔŋ te di abɛ duŋ bla nuŋ ba, adiu te di <<Tsin kɔmɔ ben ine na ndum kǝ Arik te duŋɔ ayigu, te na tuk amkpur te tsar ba rɛ mi te duŋ ba abɛ yik, ir keŋ ndi Musa ne bla.>>

15 Ne me ilɛ maa ne shak akpa, aneshir a zin nyɛ te wɔu, te abɛ na duŋ ba re menyi. 16 Mkpaŋ nuŋ Yesɔ ne aben awɔb amkpa te sɔŋ kiki maa ne amkpa waŋ ndi ai wa kiki maa te ben Arik.

17 Iber nuŋ yime a zin tsar, ane Ferisawa bǝn abǝ zhi cɛr yi Musa ne rurɛ ntuntun yi Galili, ben yi Yahudiya, bǝn Urshelima, te kɔ sɔŋ amɔ. Mgbyamgbyaŋ kɛ Arik kɛ ne na aneshire te ne rɛ. 18 Fe aneshire nuŋ agli ner ne ku kpa gar zhin ne ki kur te wɔb te ba bǝ zǝu zhɔk ne ti kɛ Yesɔ. 19 Ndi bane yik ankɔŋ ane na me ba aneshir ne te du, ne baŋu te yuŋ tu ki te zhɔk ririk te zhɔ gu ne ti kɛ Yesɔ.

20 Ndi Yesɔ ne yik itanyɛmɛ maa, fe adi, <<kpamuŋ, mǝne zugu zhɔk ne zumimin mi.>>

21 Amɛ Ferisawa bǝn abɛ tsar cɛr yi Musa alɛ ne akpa men te di, <<Ayi ŋɔ te lǝlɛ kɛ lɛk susun amɛ? Ai ŋɔ tei zuk iner nǝ lalɛ zhɔk mba Arik ankyak?>>

22 Yesɔ ne zhi lɛ ne mǝne, te rib, <<Izhin lɛ ne kɛ ni ne min kɛ asusun amin? 23 Itayi ne naŋ: abɛ di, <Ne zuk zumimin zhɔk, > ka abɛdi, <Lu tsin>? 24 Tǝ zhin bɛ zhi Izu neshir ayi ne mgbyamgbyaŋ kɛ zuk zumimin zhɔk yi gɔnmimi, ankyak.>> Akɔ di ne ku kpama, <<Lu te baŋ ki kur mi te kɔmɔ ne kɔb.>> 25 Ne amkpama akɔ rɛ te lu kli ne ti men, te baŋ ki kur maa, te tsǝne kɔmɔ ne kɔb te zen gbar Arik asak. 26 kɔte ŋɔ ne vuŋ anu te gbara Arik asak. Sisik ku vuŋ ba fe adi, <<Ayi mɔr ne yik ki sak ŋɔk ne ne.>>

27 Ndi yiŋɛ ne gayir, Yesɔ ne ru te yik ne ta gendu azhɔu te lawi, akɔ sɔŋ ne bur, te zin na ndum kɛ ta gendu, Yesɔ adiu. <<Lu zǝm,>> 28 Fe Lawi ne duŋ ki maa bɔbɔk, te zǝu.

29 Ankyak Lawi ne kɔmɔ te kɔ te na gyaŋ te naa Yesɔ kili didik ne kɔb maa, abɛ ta gendu tetɛk bǝn aneshir anuŋ a zin li bene bau. 30 Fe Ferisawa bǝn abɛ tsar atɔra adi abɛ tsene maa te di <<Anii duŋ zhin li te so bǝn a bɛ ta gendu bǝn abɛ na zumimin?>>

31 Yesɔ asak bama te di, <<Aner abɛ yine mgbyamgbyaŋ ba wɔb kǝka ba, se abɛ lɔ. 32 Bam ne nyɛ zhɔ abɛ yi tsetser ba, mǝne nyɛ te abɛ na zumimin abɛ duŋ zumimin men te zǝm.>>

33 Fe adiu te di, <<abɛ zǝ Yɔɔna a kpa anu amkpamkpaŋ te na ben Arik, Ferisawa ana na me, ama abɛ tsene ami ali te so.>>

34 Ankyak Yesɔ adi ba, <<Izhin wɔb te akpaa abɛ waŋ ndi azugu wama abɛ kpa anu ndi azǝn na gyaŋ? 35 Mkpaŋ nyɛ ndi a tei baŋ waŋ ndi akpau ŋa ne ti men. Ai mkpaŋa atei ka kpa anu.>>

36 Fe Yesɔ ne bla ba nkanlɛ: <<Nuŋ ba tei gbu anklu ayayas aŋaa te ahwɛn acicɛ, ate na me ba tei te ba, ayuŋɔ ba tei te acicɛ me ba. 37 Nuŋ ba tei vu ama inabi a yayas a shur ne cice ne gwara ba. Ate shurɔ gwarama a tei ŋar hrie gwara tei cɔkla. 38 Neme ama inabi a yayas, a wɔb gwara yayas. 39 Ba waŋ di atai wɔb te abɛ sɔ ama inabi ayayas, ndi ne ka sɔ a cice, a tei di <Ai a cice me arɛ naŋ.>>>