Lucas 1

Ipinahayag ang Kapanganakan ni Hesus

26 Sa ikaanim na buwan ng pagbubuntis ni Elisabet, inutusan ng Diyos ang anghel na si Gabriel na pumunta sa bayan ng Nazaret sa lalawigan ng Galilea. 27 Pinapunta siya sa isang birhen*1:27 birhen: O dalaga. na ang pangalan ay Maria. Nakatakda nang ikasal si Maria kay Jose na mula sa lahi ni Haring David. 28 Sinabi ni Gabriel, "Maria, magalak ka!*1:28 Magalak ka: Isang karaniwang paraan ng pagbati sa isang kaibigan. Ikaw na pinagpala ng Diyos. Sumasaiyo ang Panginoon."