Ang Huling Hapunan
7 Dumating ang Pista ng Tinapay na Walang Pampaalsa, ang araw na pinapatay ang tupang hinahandog bilang pag-alaala sa Paglampas ng Anghel. 8 Kaya inutusan ni Hesus sina Pedro at Juan, "Ihanda ninyo ang hapunan natin para sa Pista ng Paglampas ng Anghel."
9 Nagtanong sila, "Saan nʼyo po kami gustong maghanda?"
10 Sumagot si Hesus, "Pagpasok ninyo sa lungsod ng Jerusalem, sasalubungin kayo ng isang lalaking may pasan-pasang banga ng tubig. Sundan ninyo siya sa bahay na papasukan niya, 11 at sabihin ninyo sa may-ari ng bahay, ‘Ipinapatanong ng Guro kung saan ang kuwartong kakainan niya ng hapunan kasama ang mga alagad niya upang ipagdiwang ang Pista ng Paglampas ng Anghel.’ 12 Isasama niya kayo sa itaas at ituturo sa inyo ang isang malaking kuwarto na kumpleto ang kagamitan. Doon kayo maghanda ng hapunan natin."
13 Lumakad sila at nakita nga nila ang lahat ayon sa sinabi ni Hesus sa kanila. At inihanda nila roon ang hapunan para sa Pista.
14 Pagdating ng oras ng hapunan, kumain si Hesus at ang kanyang mga apostol.
21 Ngunit makinig kayo! Kasalo ko sa mesang ito ang taong magtatraydor sa akin. 22 Sapagkat ayon sa itinalaga ng Diyos, ang Anak ng Tao ay papatayin, ngunit nakakaawa ang taong magtatraydor sa akin." 23 Nagtanungan sa isaʼt isa ang mga alagad niya kung sino kaya sa kanila ang gagawa noon.