FAS KING 2

19 Mo hem i go luk king from bisnes ya.

Nao taem Batseba i kam insaed, king i stanap, i bodaon long fes blong hem, i ona long hem, nao i sidaon bakegen long jea blong hem, mo i talem long ol man blong hem blong oli tekem wan jea i kam, blong mama blong hem i sidaon long hem. Nao mama blong hem i kam sidaon long raet saed blong hem, 20 mo i talem se, "King, mi mi gat wan smol tingting blong talemaot long yu. Plis yu no blokem mi long tingting ya."

Mo king i talem se, "Mama, yu gohed, yu talemaot. Mi no save blokem yu."