Colossenses 1

12 Njesnu fyei sa Dada ami bwugbadá nya, əza n wa zhni fye n kwnuce fyei kwnu əgwú ɓwa n əwo aza agyigyiyi fyi n bwuznagna əbemi. 13 Ntuge wo la yi gnyi n ikwo wyegbma nya, jesnu wo kwu ɓe n yii fyi n Nugwnu əbemi n wo yé wo nyi, 14 dna n əwo nu n yi kwu shnashna ɓwa, abwizo aleifyi nya.

Shekwoyi Nugwnu mwamwa duduyi

15 Nugwnu nu zhni Shekwoyi dogbe ń a ta gye wo əwye nyi m. Əɓyi kpmisnuyi tu ń anya azhnizhniyi əshe vnyanya. 16 Ntuge dna n əwo nu n a ɓə zhni anya vnyanya: anya n ɓa fyi n əshemi ɓədo n anyìi, ado n a gyewye, n adoi n a ta gyewye m. Kwo abeshnikpegye, kwo akalá, kwo abegyiyi, kwo aikwo; n əwoi nu n a ɓə zhni anya vnyanya jesnu ga əwo. 17 Wo gyilo ń anya vnyanya abye, jesnu dna n əwo nu, ń anya vnyanya n wnashi n aba gbmanyi.