1 Ke ayio ukara Yehoiyakịm, Nebukadnesa adidem Babilọn amaanwana ekọñ ye isọñ, ndin Yehoiyakịm amaakappa asuuk iwuod anọ anye ke isua ita. Akem anye amaadiwọññọ anyʌñ asọñ iwuod ye Nebukadnesa. 2 Abọọñ amaadọñ mbon Babilọn, Aram, Mọb ye Amọn ebịne anye enyʌñ esobo Yuda, akeene ikọ Abọọñ aketañña ke uyio isʌñutom amọ mme prọfed. 3 Ke akpanikọ mme ñkpọ ami emaetịppe enọ Yuda akeene uyio Abọọñ, nọ esio ammọ ke iso amọ ke ntak mme ndiọiñkpọ Manase ye afịd se anye akenam, 4 ye adiduọk iyiib awo ammiidueghe isob. Sia anye amaayọhọ Yeruselem ye iyiib mbon i-imiidueghe, ndin Abọọñ ikibeeñeke idem adifeen.

5 Amaado mme ñkpọ ntịppe ke ukara Yehoiyakịm, ye afịd se anye akenam, ado nte awo iwette isịn ke ñwed mbʌkutom ndidem Yuda? 6 Yehoiyakịm amaaduọk adudu ye mme eteete amọ. Ndin Yehoiyakịn ayịn amọ amaadat itie amọ nte adidem.

7 Adidem Iyib ikisañake iwuọ ikpọñ idịd amọ aba, sia adidem Babilọn amaadat afịd efaak amọ, tọọñọ ke Wadi ake Iyib tutu akewuọ Inyañ Yufretis.

8 Yehoiyakịn akedo isua duob mme itiaita idaha anye akedooho adidem, ndin anye amaakara ke Yeruselem afiọñ ita. Anyịñ eka amọ akedo Nehusta ayịn awonwaan Elnatan; anye aketo Yeruselem. 9 Anye amaanam idiọọkñkpọ ke iso Abọọñ, kpa naña ete amọ akenam.

10 Ke ini mme etubom ekọñ Nebukadnesa adidem Babilọn ekedʌkkọ Yeruselem ekenyʌñ ekanna abio ado ekʌk, 11 ndin Nebukadnesa adidem Babilọn ke idem amọ amaadọọk adiwuọ abio idaha mme etubom ekọñ amọ ekesʌkkọ ekanna anye ekʌk. 12 Yehoiyakịn adidem Yuda, eka amọ, mme mbed amọ, mme ñkpisọñ ye mme adaaha emaesuuk iwuod enọ anye.

Ke ayọhọ isua itiaita ke ukara adidem Babilọn, anye amaadat Babilọn, asịn Yehoiyakịn ke ñkpakọb. 13 Kpa naña Abọọñ aketañ, Nebukadnesa amaakoono mme nsọñudua ñkpọ ke tembịd Abọọñ ye ke ufọk ubọọñ, anyʌñ akpok mme ñkpoduoho kold ake Sọlọmọn adidem Isrel akenamma anọ tembịd Abọọñ. 14 Anye amaakoono afịd Yeruselem akaa asenidịd: afịd mme etubom ekọñ ye mme anwana anwan, ye nta mme anam utomusọ afịd ekedo tọsịn duob. Mme akpọikpọi uweene kpọd ekesʌhọ ke isọñ ado.

15 Nebukadnesa amaamʌm Yehoiyakịn anyọñ Babilọn. Anye amaanyʌñ amʌm eka adidem, mme ibaan amọ, mme adaaha amọ ye mme adaaha ke isọñ akpọñ Yeruselem. 16 Adidem Babilọn amaanọ afịd mbon ekọñ e-ekedooho awo tọsịn itiaba yak eka Babilọn, mbon e-ekoppo adudu enyʌñ edot se inwana ekọñ, ye mbon utom ye nta mme anam utomusọ tọsịn keed. 17 Adidem Babilọn amaanam Matania, ayịneka ete Yehoiyakịn, adidem ke itie amọ ndin akpəho anyịñ amọ akappa ado Sedekaiya.

18 Sedekaiya akedo isua edịb mme keed idaha anye akedooho adidem, ndin anye amaakara ke Yeruselem isua duob mme keed. Anyịñ eka amọ akedo Hamutal ayịn awonwaan Yerimaiya; anye aketo Libna. 19 Anye amaanam idiọọkñkpọ ke iso Abọọñ, kpa naña Yehoiyakịm akenam. 20 Ke ntak iyadesịd Abọọñ akenam afịd mme ñkpọ ami aketịppe ke Yeruselem ye Yuda, ndin ke akpatre anye amaabịne ammọ asio ke iso amọ.

Ndin Sedekaiya amaasọñ iwuod ye adidem Babilọn.