1 Elisa amaabọọrọ, "Kop ikọ Abọọñ. Se Abọọñ atañ adom: Ñkpọñ idaha ntom, ediinyam udomo ndomuyo keed* ke sekel keed ndin udomo baali iba* ayaanyama ke sekel keed* ke inuaatob Sameria."

2 Ekamba awo ekọñ ake adidem akebereke amaabo awo Abasi, "Se, akpekọm Abọọñ akpebeere mme inuaatob ke mme hefịn, ñkpọ ntom akeme aditịppe?"

Elisa amaabọọrọ, "Afo ayaakịt ke anyen mfo, ado afo uduudiaha ndomokeed!"

3 Ndin ideen inaañ ekenieghe akpamfia emaetie ke inuaatob abio. Ammọ emaebo emọ-emọ, "Ntak añnyịn itieghe ke mmi tutu ikpaa? 4 Adieke ñnyịn ibooho, ‘Yak ñnyịn ika esịd abio’ akañ aba do, ndin ñnyịn iyaikpa. Ndin adieke ñnyịn ibaaha mi, ñnyịn iyaikpa. Ke ntoro yak ikaa nnaaekọñ mbon Aram ikiyaak idem inọ ammọ. Adieke ammọ eyakka ñnyịn idu, ñnyịn idu; ammọ ekpiwot ñnyịn, ndin ñnyịn ikpa."

5 Ke ayio atọọñọke ifʌk awo idem ammọ emaedaaña ekaa nnaaekọñ mbon Aram. Ammọ ekekewuọ mben nnaaekọñ, awo ndomokeed ikibaaha do, 6 sia Abọọñ amaanam mbon Aram ekop uyom mme sariọd ye mme enañmbakara ye ekamba udịmekọñ, ado anam ammọ ebo emọ-emọ ete, "Se, adidem Isrel akpe mbon Hed ye mbon Iyib edinwana ye ñnyịn!" 7 Ndin ammọ emaedaaña ke ndubi ado efeeñe enyʌñ ekpọñ mme nnaaekọñ ye mme enañmbakara ye mme dọñki ammọ. Ammọ emaekpọñ nnaaekọñ naña akeba enyʌñ efeeñe eyem uwem ammọ.

8 Ideen e-ekenieghe akpamfia emaekewuọ mben nnaaekọñ, emaedʌk keed ke atu mme atayad ado eta enyʌñ enwọñ. Ndin ammọ emaekoono silfa, kold ye mme afọñ, ekaa ekedịp ammọ. Akem ammọ emaetịmme edi enyʌñ edʌk atayad mfen ndin ekoono ñkpọ ke udo enyʌñ emaana ekedịp.

9 Ndin ammọ emaebo emọ-emọ, "Se ñnyịn inam inenne. Mfịn ado usen eti etob ndin ñnyịn inịm inọ idem ñnyịn. Adieke ñnyịn ibette nọ ayio asiere, ufen ayaisịm ñnyịn. Yak ika inikeed ikinọ mbʌk ami ke ufọkubọọñ adidem."

10 Ndin ammọ emaekaa ekekoot mme akpeme inuaatob abio enyʌñ edọkkọ ammọ, "Ñnyịn imaikaa nnaaekọñ mbon Aram ndin awo ndomokeed ikibaaha do, uyom awo ndomokeed, sʌk mme enañmbakara ekeyịtte ye mme dọñki, mme atayad enyʌñ eba naña ekedaaña ekpọñ." 11 Mme akpeme inuaatob emaesio ñkpo ke etob ami, ndin emaesuan ke ufọk adidem.

12 Adidem amaadakka ada ke akonayio anyʌñ abo mme adaahaekọñ amọ, "Ami ñyaidọkkọ ndufo se mbon Aram inam ñnyịn. Ammọ ediọọñọ ke ñnyịn imikpa abiọọñ; ndin ammọ ekpọñ nnaaekọñ ammọ ekaa ekedịbe ke esịdidʌñ, ekere, ‘Ke akpanikọ ammọ eyaewuọñọ idi, ndin ñnyịn iyaimʌm ammọ ndisi inyʌñ idʌk abio.’ "

13 Adaaha udịmekọñ keed amaabọọrọ, "Yak ideen edat enañmbakara ition asʌhọke ke abio. Mbaba ammọ adiiba nte ake afịd mbon Isrel e-ebaaha mi, ntoro, ammọ ediiba nte afịd mbon Isrel ake esoboke. Ndin yak ñnyịn idọñ ammọ yak eka ekediọọñọ me nsoo ikido."

14 Ndin ammọ emaesio sariọd iba ye mme enañmbakara ammọ, ndin adidem amaadọñ ammọ ebịne udịmekọñ Aram. Anye amaanọ mme awaduwad uyio, "Ikaa inyʌñ iduuñọ idiọọñọ se ikitịppe." 15 Ammọ emaekeene ammọ tutu ekewuọ Yọdan, ndin ammọ emaekịt naña afịd usʌñ eyọhọ ye mme afọñ ye mme ñkpọekọñ a-mbon Aram eketoomoke eduọñọ idaha ammọ ekefeeñeke. Ndin mme isʌñutom emaenyọñ edi edidọkkọ adidem. 16 Ndin mme awo emaewuọ ekaa ekebịme ñkpọ ke nnaaekọñ mbon Aram. Ndin udomo ataa eti ndomuyo amaanyama ke sekel keed, ñko udomo baali iba amaanyama ke sekel keed, kpa naña Abọọñ aketañ.

17 Ndin adidem amaanịm adaahaekọñ a-anye akebereke ke ubọk amọ ase ñkpọ abaña inuaatob, ndin mbon awo emaefiik anye ke atob, ndin anye amaakpa, kpa naña awo Abasi aketañ idaha adidem akediighe ufọk amọ. 18 Amaatịppe kpa naña awo Abasi akebo adidem: "Ñkpọñ idaha ntom, udomo ataa eti ndomuyo adiinyama ke sekel keed ndin udomo baali iba adiinyama ke sekel keed ke inuaatob Sameria."

19 Adaahaekọñ amaabo awo Abasi, "Se, akpekọm Abọọñ akpebeere mme inuaatob ke mme hefịn, utọ ñkpọ ntom akpaatịppe?" Awo Abasi amaabọọrọ, "Afo ayaakịt ke anyen mfo, ado uduudiaha ke esịd!" 20 Ndin ukem-ukem ami aketịppe anọ anye, sia mbon awo emaefiik anye ke inuaatob, ndin anye amaakpa.