1 "Ami ntañ afịd ami inọ ndufo, mbaak ndufo idiwuọ ikpọñ usʌñ. 2 Eyaibịn ndufo esio ke sinakọk. Ke akpanikọ ini ayaadi adiido awo akeedodo a-adiiwot ndufo adiikere ke inam utom Abasi. 3 Ammọ ediinam mme ñkpọ ami sia ammọ idiọọñọke Ete, inyʌññọ indiọọñọ miin. 4 Ami mmidọkkọ ndufo mme ñkpọ ami, mbaak ini amaakem ndufo etoiyo ke mmaidʌt ndufo utọñ mbaña ammọ. Ami ñkibakka idọkkọ ndufo ke ntọọñọ sia mmọdo ñkeba ye ndufo, 5 ado idahami, ami ñyaanyọñ mbịne anye a-akendọññọ miin, ado ndufo ndomokeed imbịppe miin ibo ‘Afo uduuka uke?’ 6 Utu ke ado, esịd ndufo ayọhọ ye mfʌhọ sia mmetañ mme ikọ ami inọ ndufo. 7 Ado ke ataa akpanikọ ke ami ntañ inọọ ndufo, ado ke ufọn ndufo ke ami ñka. Ami mmiikpọññọ ndufo, Anọitem idiidiighe ibịne ndufo; ado adieke ami ñkaaha, ami ñyaanọ anye isọk ndufo. 8 Anye amaadi, anye ayaanam mbon ederimbod ediọọñọ ke ikiba ke ukwañ ke abaña idiọọkñkpọ ye adinenido ye ubiideikpe: 9 Ke ntak idiọọkñkpọ, sia mme awo innịmme miin ke akpanikọ; 10 ke abaña adinenido sia ami ñyaanyọñ mbịne Ete, ndin ndufo idiiñkịtte miin aba, 11 ñko ke ntak ubiideikpe, sia akpan abọọñ ederimbod ami aba ke ubiomikpe.

12 "Ami nsʌk nnenie uwak ñkpọ adineme inọọ ndufo, a-awakka akan se ndufo ediikan iyọ idahami. 13 Ado Sịbidịd akpanikọ amaadi, anye ayaiwọt usʌñ afịd akpanikọ. Anye idiitañña ikọ idem amọ, adiitañ se anye akop kpọd, anye ayaidọkkọ ndufo se idiidi ke ini iso. 14 Anye ayaannọ miin ubọọñ sia anye ayaaben se into miin iwọt ndufo. 15 Afịd se inie Ete annie miin. Ntak ado anam ami mbo ke Sịbidịd ayaaben afịd se into miin iwọt ndufo."

16 Akema, Yisọs amaabo ammọ ate "Ke etək-etək ini ndufo idiñkịtte miin aba, ke etək-etək ini ñko eyaemaana eñkịt miin."

17 Usʌk mme mbed emaebo emọ-emọ ete, "Awuọñọ die anye adibo, ‘Ke etək-etək ini ndufo idiñkịtte miin aba, ke etək-etək ini ñko eyaemaana eñkịt miin,’ ye adibo, ‘Sia ami ñka mbịne Ete?’ " 18 Ammọ emaekọbọ ebịp, "Nsoo ke anye atañ abaña ke adibo ‘ke etək-etək ini’? Inwañake ñnyịn se anye atañ abaña."

19 Yisọs amaadiọọñọ ke ammọ eyem adimaana ibịp imọ ibaña mme ñkpọ ami, ndin anye amaabo ammọ ate, "Ndufo ebịp emọ-emọ ebaña se ñketañ mbo, ‘ke etək-etək ini ndufo idiñkịtte miin aba, ndin ke etək-etək ini amaaboiyo ñko ndufo eyaemaana eñkịt’ awuọọñọ? 20 Ke ataa akpanikọ ami ntañ inọ ndufo, ndufo eyaetuaha enyʌñ efʌhọ ke ini mbon ederimbod edarakedaara. Ndufo eyaefʌhọ ado mfʌhọ ndufo ayaakappa ado idaara. 21 Awonwaan uman akop ubiak sia ini uman amọ akem, ado ayịn amaamamana anye afre abaña ubiak ado, ke ntak idaara ke ayịn amana adʌk ederimbod. 22 Ukem ado ke ado ye ndufo: Idahami ado ini mfʌhọ ke esịd ndufo, ado ñyaamaana ikịt ndufo, ndin ndufo eyaedaara, idiibaaha awo a-adiikan iben idaara ndufo ifep. 23 Ini ado amaakem, ndufo idimbịppe miin ñkpọ ndomokeed. Ke ataa akpanikọ, ami ntañ inọ ndufo, Ete mmi ayainọ ndufo ñkpọ akeedodo a-ndufo ebeeñeke ke anyịñ mmi. 24 Kpaanam ndufo imbeeñeke ñkpọ ndomokeed ke anyịñ mmi. Ibeeñe ke eyaebọ, ndin idaara ndufo ayaayọhọ.

25 "Akpesʌkado a-ami ntañña ikọ inọọ ndufo ke ñke, ini ayaadi a-ami mmiidikamake ñke ntañ ikọ aba, ado ndiitañ inwañ-inwañ inọ ndufo mbaña Ete mmi. 26 Ini ado amaakem, ndufo eyaebeeñe ñkpọ ke anyịñ mmi. Mbooho ke ami ndibeeñe Ete inọ ndufo. 27 Iyoo, Ete ke idem-idem amọ i-ima ndufo, sia ndufo ememma miin enyʌñ enịm ke ami ñketo Abasi ndi. 28 Ami ñketo Ete ndidʌk ederimbod; idahami ami ñyaakpọñ ederimbod ntịmme mbịne Ete mmi."

29 Mme mbed Yisọs emaebo anye ete, "Idahami, afo atañ ikọ inwañ-inwañ, utañña ke ñke aba. 30 Idahami ñnyịn imikịt ke afo amediọọñọ afịd ñkpọ, ke ufọn ibaaha awo adubịp fiin mbuume. Ami anam ñnyịn inịm ke afo aketo Abasi adi."

31 Yisọs amaabọọrọ ammọ ate, "Ndufo emenịm ndin? 32 Ado ini ayaadi, anyʌñ adidi ama a-ndufo ediisuana, anie afañ awaak adʌk. Eyaefeeñe eñkpọñ miin ikpọọñ. Ado ami mbaaha ikpọọñ, sia Ete mmi mmọdo ye ami.

33 "Ami idọkkọ ndufo mme ñkpọ ami, nọ ndufo enie emem ke ami. Ke ederimbod ami ndufo eyaekịt ukuud. Ado isọñ esịd! Ami mmekan ederimbod."