1 Nte anye akesʌkkọ asaña aka, anye amaakịt awo keed a-akedooho nnan tọọñọ ke emana. 2 Mme mbed amọ emaebịp anye ete, "Andikpeeb, anie ikinam idiọọkñkpọ nọ anye adimana nnan, awo ami me ete ye eka amọ?"

3 Yisọs amaabọọrọ ate, "Idooho anye, inyʌññọ ido ete me eka amọ akenam idiọọkñkpọ; anye akemana nnan nọ ato do utom Abasi ayaara ke idem amọ. 4 Adaña nte usen akaaha iso, ana ñnyịn inam utom andikindọñ miin. Akonayio asʌk adi, a-awo ndomokeed imiidiikanna inam utom. 5 Ke adaña ini ami mbaaha ke ederimbod, ami ndo unwana ederimbod."

6 Ke anye amaaketañ ami ama, anye amaafiat etab ke isọñ, awuaak ye ntan, aben afiọññọ awo nnan ado ke anyen. 7 Ndin anye amaabo anye, "Kaa keyie idem ke Ñkpọdiọhọ mmọọñ Silọm" (anyịñ ado awuọ, "Emaedọñ"). Anye amaadakka akaa akeyie, anyʌñ akịt usʌñ, ndin atịmme anyọñ ufọk amọ.

8 Mme mbọhọidʌñ amọ ye mbon mfen e-ekekịtte anye naña abeeñe ebeeñe emaebo, "Idooho awo a-akesitieghe abeeñe ebeeñe ado ami?" 9 Ubaak ammọ emaebo ke anye ke ado.

Mbon mfen emaebo, "Iyoo, anyʌñ abebit anye."

Ado awo ado ke idem amọ amaasọọñọ ate, "Ami ndo awo ado."

10 Ammọ emaebịp anye ete, "Anyen mfo akenam die atara ndin?"

11 Anye amaabọọrọ ate, "Ete a-mme awo ekoodo Yisọs akenam mbad, adọppọ añyeet ke anyen. Anye amambo miin yak ñka ñkeyie idem ke Silọm. Ndin ami mmaakaa ñnyʌñ ñkeyie, ndin ami mmemọọnọ ñkpọ."

12 Ammọ emaebịp anye ate, "Anye awo ado-o?"

Anye amaabọọrọ, "Ndiọọñọke."

13 Ammọ emaeben ete a-akedooho nnan do ebịne mme Farisi. 14 Akedo ke usen Sabad ke Yisọs akenam mbad atat nnan ado anyen. 15 Ke ntoro mme Farisi emaebịp anye naña anye akenam akịt usʌñ. Anye amaabo, "Anye akedọppọ mbad añyeet ke anyen, akema ami ñkeyie nsio, ndin idahami mmekịt usʌñ."

16 Ubaak mme Farisi emaebo, "Awo ami itooho Abasi, sia anye inịmme mbed Sabad."

Ado mbon mfen emaebo, "Die ke awo anam idiọọkñkpọ akeme adinañña mme utọ idiọọñọ ami?" Ndin ubakka amaaba ke ufọọd ammọ.

17 Ammọ ndin emaemaana ebịp awo nnan ado ete, "Nsoo ke afo ke idem mfo anie aditañ mbaña anye, sia anyen mfo ke anye aketat?"

Awo ado amaabọọrọ ate, "Anye ado prọfed."

18 Kpayeado, mme Yuu ikisʌkkọ inenịm ke awo ado akedo nnan tutu ekekoot ete ye eka amọ. 19 Ndin emaebịp ammọ, "Nte awo ami ado ataa ayịn ndufo e-ebooho ke akemana nnan? Anye anam die akịt usʌñ idahami?"

20 Ete ye eka amọ emaebọọrọ, "Ñnyịn imidiọọñọ ke anye ado ayịn ñnyịn, iminyʌñ idiọọñọ ke anye akemana nnan. 21 Ado naña anye anam akịt usʌñ, me awo a-aketatta anye anyen, ñnyịn idiọọñọke. Ibịp anye; anye a-akpon akem se atañ ikọ idem amọ." 22 Ete ye eka amọ eketañ ami sia ammọ emaenie ndịk ebaaña ikpọ mme adadusʌñ mme Yuu, e-emaekebebiere adibịn awo ndomokeed a-abooho ke Yisọs ado Krais nsio ke sinakọk. 23 Ntak ado akenam ete ye eka amọ ebo, "Anye akpon akem; ibịp anye."

24 Anam mme Yuu emaemaana edọñ ekekoot ete a-akedooho nnan enyʌñ ebo anye ete, "Nọ Abasi ubọọñ ke aditañ akpanikọ. Ñnyịn imidiọọñọ ke awo ami ado anam idiọọkñkpọ."

25 Awo ado amaabọọrọ ate, "Me anye ado anam idiọọkñkpọ, miidooho, ami ndiọọñọke. Ukweeñe se ami ndiọọñọ ado ke ñkedo nnan ado idahami mmekịt usʌñ."

26 Ammọ emaemaana ebịp anye ete, "Nsoo ke anye akunam fiin? Anye akenam die utat fiin anyen?"

27 Anye amaabọọrọ, "Ami mmidọdọkkọ ndufo, ado ndufo ikikpañña utọñ. Ntak a-ndufo eyemme adimaana ñkop-o? Ndufo ke idem ndufo eyem edikappa ndo mme mbed amọ ñko?"

28 Ammọ ndin emaesueeñ anye, ete "Afo ado mbed amọ, ñnyịn ido mbed Moses! 29 Ñnyịn imidiọọñọ ke Abasi amaatañ ikọ anọ Moses, ado amaado awo ami, ñnyịn idiọọñọke nte anye ato."

30 Awo ado amaabọọrọ ate, "Ataa ñkpọ ñkpaidem adodo! Ndufo idiọọñọke nte anye ato, ado anye amantat miin anyen! 31 Ñnyịn imidiọọñọ ke Abasi isikpañña utọñ inọ mme anam idiọọkñkpọ. Abasi akpañ utọñ anọ mbon etʌmmọ ekpono anye enyʌñ enam uduak amọ. 32 Tọọñọ ederimbod aketọọñọ awo ikoppo nte ebo ke awo atat awo a-akemanake nnan anyen. 33 Akpedo awo ami ikitooho Abasi, anye ikpikanna inam ñkpọ ndomokeed."

34 Ammọ ekekop ami, emaebọọrọ anye ete, "Afo akpenam die ikpeep ñnyịn, afo a-adooho akenyeenyịne ke idiọọkñkpọ tọọñọ ke emana!" Ndin ammọ emaebịne anye esio.

35 Yisọs amaakop ke ammọ emaebịne anye esio, ndin ke ini Yisọs amaakedikịt anye, Yisọs amaabo anye ate, "Afo amenịm Ayịn Awo ke akpanikọ?"

36 Awo ado amaabịp, "Ete, ndọkkọ me anye ado anie awo, nọ ami nnịm anye ke akpanikọ."

37 Yisọs amaabo, "Afo amekịt anye idahami; ke akpanikọ, anye ado anditañ ikọ ye afo."

38 Awo ado amaabo, "Abọọñ, mmenịm," anyʌñ akpono anye.

39 Yisọs amaabo anye: "Ado ke ntak ubiideikpe ke ami ndi ederimbod, nọ ato do nnan ekịt usʌñ, mbon e-ekịtte usʌñ eforo nnan."

40 Ke adikop ami, ubaak mme Farisi e-ekebaaha do emaebịp anye, "Kọm abo die? Awuọ ñnyịn ñko idoñño nnan?"

41 Yisọs amaabo ammọ: "Akpedo ekedo nnan, ikpe idiọọkñkpọ ikpitịppe ndufo; ado sia ndufo ebooho ke mmimọ imikịt usʌñ, ikpe i-itịp ndufo."