Mfaaña ke Abaña Nditọ Ebraham
31 Yisọs amaabo mme Yuu e-ekenịmme anye ke akpanikọ ate: "Adieke ndufo emʌmmọ ikọ mmi ekama nọ idʌñ ndufo ke idem, ke akpanikọ ndufo edo mme mbed mmi. 32 Ndufo eyaediọọñọ akpanikọ, ndin akpanikọ ayaanam ndufo ebọkkọ."
33 Ammọ emaebọọrọ anye ete, "Ñnyịn ito ubon Ebraham ñko tọọñọ akenaanam ñnyịn idoññoke ifʌn inọ awo ndomokeed, awuọñọ die afo adibo, eyaenam ndufo ebọkkọ?"
34 Yisọs amaabọọrọ: "Ke ataa akpanikọ ke ami ntañ inọọ ndufo, awo akeedodo a-anamma idiọọkñkpọ adʌk afʌn anọ idiọọkñkpọ. 35 Ndin afʌn inieghe akpan itie ke ubon, ado ayịn anie itie ke ubon ke nsi-nsi. 36 Ndin adieke Ayịn Awo anamma nọ ndufo ebọkkọ, ndufo eyaebọkkọ ke akpanikọ.