1 Ke ataa ubakusen Yọsua ye afịd nditọ Isrel emaeto Sitịm ekaa Yọdan, itie a-ammọ ekedañña mbemiso ammọ ekaaña Yọdan. 2 Ke usen ita amaakeboiyo mme ñkpisọñ abio emaesaña edʌk ke itie nnaaekọñ, 3 enyʌñ enọ mme awo uyio ete: "Ndufo emaekịt akebe edioomo Abọọñ Abasi ndufo, ye mme aku Lifai nana ebiom anye, ndufo enie edidaaña nda ke itie ndufo enyʌñ ekeene anye. 4 Ndin ndufo eyaediọọñọ nte ekaa, sia adooho akenam ndufo idʌkkọ usʌñ ami akpa. Ado iyaak ufañ ñkpọ nte tọsịn kubid iba (2,000)* ana ke ufọọd ndufo ye akebe edioomo; ikiisaña ikpere anye."

5 Yọsua amaadọkkọ afịd awo ate, "Inịm idem ndufo asana, sia ñkpọñ Abọọñ ayaanam utịppeñkpọ ke atu ndufo."

6 Yọsua amaadọkkọ mme aku ate, "Ndufo iben akebe edioomo ibem afịd awo iso iboiyo." Ndin ammọ emaeben akebe edioomo enyʌñ ebem afịd awo iso.

7 Akema Abọọñ amaabo Yọsua ate, "Mfịn ami ami ñyaatọọñọ adukpono fiin ke iso afịd Isrel, nọ ammọ ediọọñọ ke mmọdo mba ye afo naña ñkeba ye Moses. 8 Dọkkọ mme aku e-ebiommo akebe edioomo ate: ‘Ndufo imaiwuọ mben mmọọñ Yọdan, ikaa ikida ke esịd inyañ ado.’ "

9 Yọsua amaadọkkọ nditọ Isrel ate, "Idi mi idikop uyio Abọọñ Abasi ndufo. 10 Ntom ke ndufo ediidiọọñọ ke aduuwem Abasi mmọdo ke atu ndufo ndin ke akpanikọ anye ayaabịn mbon Kenan, mbon Hed, mbon Hif, mbon Peris, mbon Keekasi, mbon Amọọ ye mbon Yebus asio. 11 Sese, akebe edioomo Abọọñ afịd ederimbod ayaibem ndufo iso akedʌk Yọdan. 12 Ndin idahami, isio awo duob mme iba ke mme esiin Isrel, awo keed ke esiin keed. 13 Ndin mme aku ebiommo akebe edioomo Abọọñ, Abọọñ afịd ederimbod, emaesʌk ededep ikpad ke Yọdan, mmọọñ amọ a-atooho adoro asọiyọ aka usuuk ayaakpịkke atuak ada nte eboho keed."

14 Ke ini atu awo ewuuñọke ke mme ufọk nnaa ammọ nọ ato do ekaaña Yọdan, mme aku e-ebiommo akebe edioomo emaeboiyo iso enọ ammọ. 15 Yọdan asiba ke atọ ke afịd ini idọk, ado ke ini mme aku e-ekebiommo akebe edioomo ekewuọhọ Yọdan nọ ikpad ammọ atuuk mben mmọọñ, 16 mmọọñ a-atooho ke anyọñ-anyọñ adoro amaatuak ada. Anye amaaboho itie keed ke ataa anyan usʌñ, ke abio e-ekoodo Adam, ke ñkanñkʌk Saretan, ke ini emaekpịkke mmọọñ a-akefegheke asọiyọ aka Inyañ Araba (a-adooho, Ñkpaikpa Akpainyañ), afịd-afịd esio. Ndin mme awo emaesaña eboiyo ke nsakiso Yeriko. 17 Mme aku se ikibiom akebe edioomo Abọọñ emaetuak eda ke ufọọd Yọdan ke nsaad isọñ, ke ini afịd Isrel ekesañake eboiyo tutu afịd nditọ Isrel esaña eboiyo ke nsaad isọñ.