25 Na raalɛ bie wɔ menli ne anu mɔɔ mogya ɛdu ye dedee ɛvolɛ bulu nee nwiɔ a. 26 Yenwu amaneɛ wɔ dɔketama nee ninsivolɛma dɔɔnwo asa anu, na yezɛkye ye ezukoa kpokpoti, ɔlua zo yeyɛ ehyianli noko akee ɔ nwo anza ekyi bɔbɔ, ye ewule ne dɛlale dɛba ne. 27 Yede Gyisɛse nwanwanendeɛ ne mɔɔ yeyɛ la nganeɛ, na ɔlua ɛhye noko ati ɔwolole menli ɛwolaa ne anu dedee ɔrazɔle ye tɛladeɛ ne anu.
28 Ɔhanle ye ɔ ti anu kɛ, "Saa mesɔ ye tɛladeɛ ne anu mgbane bɔbɔ a, me nwo baza." 29 Na amgba noko ɔzɔle ye nu ala la, mogya ne mɔɔ tu ye la pɛle, na ɔdele ye wɔ ye nu kɛ ɔ nwo ɛza bɔbɔ!
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)