Mateyu 1

1 Ɛhye mɔ a le Gyisɛse Kelaese, mɔɔ vi Belemgbunli Devidi nee Ebileham abusua ne anu la ɔ nla mɔ:

2 Ebileham ara a le Ayezeke; Ayezeke ara a le Gyekɔbo; Gyekɔbo amra a le Dwuda nee ɔ mediema ne mɔ.

3 Dwuda amra a le Pɛlɛze nee Zila (bɛ nli a le Teema) Pɛlɛze ara a le Hɛzelɔn; Hɛzelɔn ara a le Relam;

4 Relam ara a le Amenadabe; Amenadabe ara a le Nahyɔn; Nahyɔn ara a le Salemɔn;

5 Salemɔn ara a le Bowaze mɔɔ bɛfɛlɛ ɔ nli Releehabe la; Bowaze ara a le Obɛde. Ɔ nli bɛfɛlɛ ye Wulutu; Obɛde ara a le Gyɛsi;

6 Gyɛsi ara a le Belemgbunli Devidi. Devidi ara a le Sɔlɔmɔn.

Sɔlɔmɔn ɔ nli a le Yulaya kunlavolɛ raalɛ la.

7 Sɔlɔmɔn ara a le Rilihɔbowam; Rilihɔbowam ara a le Abaegya; Abaegya ara a le Esa;

8 Esa ara a le Gyɛhɔhyafate; Gyɛhɔhyafate ara a le Gyɛholam; Gyɛholam ara a le Ɛzaya;

9 Ɛzaya ara a le Dwotam; Dwotam ara a le Ehaze; Ehaze ara a le Hɛzikaya;

10 Hɛzikaya ara a le Manasɛ; Manasɛ ara a le Amɔn; Amɔn ara a le Dwosaya;

11 Dwosaya amra a le Gyɛhɔyakɛn nee ɔ mediema ne mɔ (bɛwole bɛ wɔ mekɛ mɔɔ bɛvale Dwuuma ne bɛhɔle amanvoa wɔ Babelɔn la). 12 Amanvoahɔlɛ ne anzi: Gyɛhɔyakɛn wole Hyealeteɛle; Hyealeteɛle ara a le Zɛlɛbabɛle;

13 Zɛlɛbabɛle ara a le Abayude; Abayude ara a le Yilayakem; Yilayakem ara a le Ezɔ;

14 Ezɔ ara a le Zeedɔko; Zeedɔko ara a le Ekem; Ekem ara a le Yilayɛde;

15 Yilayɛde ara a le Ɛlieza; Ɛlieza ara a le Matan; Matan ara a le Gyekɔbo;

16 Gyekɔbo ara a le Dwosefi mɔɔ ɔ ye a le Male, mɔɔ le Gyisɛse Kelaese, Ngoanedievolɛ ne ɔ nli ne la.

17 Ɛhye mɔ a le abusua eku eku bulu nee nna ne mɔɔ vi Ebileham anwo zo kɔdwu Belemgbunli Devidi anwo zo a; yɛɛ bulu nee nna noko vi Belemgbunli Devidi mekɛ zo kɔkpula mekɛ mɔɔ bɛvale Dwuuma ne bɛhɔle amanvoa la; yɛɛ bulu nee nna noko vi amanvoahɔlɛ ne anzi kɔkpula Kelaese mekɛ zo.