10 हन्ना ती भितरा का खास्सी दुखी अर हिक्की-सल़िक्की लेरा लाई बिधाता का एही अरज़ करदी लागी दी, 11 "स्वर्गे सारी सैने मालक बिधाता, मुंह तेरी दासी बाखा भाल़! तूह भाल़ मेरी खरी, मुंह निं बिस्सरै आथी, ज़ै मेरै शोहरू होए, तै आसा मेरी तेता लै एही मानत कि सह शोहरू हणअ सारी ज़िन्दगी ताह बिधाता लै1:11 बिधाता लै गण. 6:1-21 बांधअ1:11 बांधअ ज़हा बिधाता लै अर्पण करा तै, तेऊए ज़ल़ू निं काटदै तै अर मुंह निं तेऊए ज़ल़ू कधि काटणै।"1:11 गण. 6:5; लूक. 1:48
12 हन्ना ती बिधाता सेटा खास्सी घल़ी एही अरज़ करदी लागी दी, अर एली प्रोहत त तैहा बाखा भाल़अ लागअ द। 13 हन्ना ती मन्नैं अरज़ करदी लागी दी, तेसे होठ ता शुझिआ तै च़ुक्कदै पर इहअ निं शुण्हदअ आथी त कि सह किज़ै बोला। एली ज़ाणअ इहअ कि ऐहा आसा नशअ झुटअ द! 14 तैही बोलअ एली हन्ना लै, "ताह केभै तैणीं रहणअ इहै नशै दी? पोर्ही छ़ाड एता!"
15 हन्ना दैनअ एली प्रोहता लै ज़बाब, "मेरै मालक, हुंह निं शूर-शराब झुटदी! नां मंऐं कधू नशअ किअ आथी, मुंह आसा भितरी खास्सअ दुख, हुंह आसा तैहा खरी बिधाता सेटा दिल खोल्ही खोज़दी लागी दी। 16 तूह निं मुल्है इहअ ज़ाणीं कि हुंह आसा बूरी बेटल़ी। मुंह त भितरी खास्सअ कोप फिरअ द, अर तैही ती हुंह एही अरज़ करदी लागी दी।"
17 एली प्रोहतै बोलअ इहअ, "राज्ज़ी-खुशी डेऊ घअरा लै, ज़िहअ तंऐं मांगअ इज़राईले परमेशर बिधाता लोल़ी ताल्है तिहअ ई दैनअ।"
18 हन्ना बोलअ इहअ, "मेरै मालक, थारी मुल्है ऐहा झींण करना लै करा हुंह थारअ शूकर।" तेखअ डेऊई सह तिधा का संघा खाई आपणैं रोटी। तधा पोर्ही रही हन्ना खुश।
19 दुजै धैल़ै दोत्ती-दोत्थी उझ़ुअ एलकाना तेऊए टबर, संघा डेऊऐ बिधाता सेटा माथअ टेक्की रामाह नगरी आपणैं घअरा लै फिरी। घअरै डेऊई डेऊअ एलकाना आपणीं लाल़ी हन्ना सेटा, अर बिधाता दैनअ तेतो ज़बाब ज़ुंण तैहा अरज़ किई ती, 20 इहअ करै हुई हन्ना सुंदी अर तेसो हुअ एक शोहरू। तैहा डाहअ तेऊ शोहरू नाअं शमूएल, किल्हैकि सह रहा ती इहअ बोल्दी लागी, "अह आसा मेरै बिधाता का मांगी करै हुअ द।"
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)