1 शमूएल 17

45 दाबेदै दैनअ पलिश्ती गोलियाथा लै ज़बाब, "तूह आसा मुंह संघै जुधा लै तलबार, बर्छ़ै अर कटार पाई आअ द, पर हुंह आअ तेऊ स्वर्गे सारी सैने मालक बिधाता नाओंऐं ज़हा का सारअ बल आसा, ज़ुंण सारी इज़राईली सैनो परमेशर आसा, तंऐं आसा तेऊ ई लै मकाबलै करने धमकी दैनी दी। 46 आझ़ दैणीं ऐहा धैल़ी बिधाता मुल्है ताह प्रैंदै ज़ीत। तूह बदल़णअ मुंह धरनीं संघा पाणअ तेरअ कैल़अ काटी। आझ़की धैल़ी दैणीं मुंह पलिश्ती सैने ल्हासा सरगै डैऊंदै च़ेल्‍लू-पखीरू अर बणें ज़ीबा खाणां लै। तेखअ लागणअ सारै संसारा का थोघ कि इज़राईला दी आसा एक्‍कै परमेशर। 47 इधी बी जाणअ सोभी का थोघ लागी कि जुधा ज़ितणा लै निं बिधाता तलबार बर्छ़े ज़रुरत हंदी। अह जुध आसा बिधातो अर तेऊ ई करनअ तूह मेरै बशै।"