7 तेखअ किअ शाऊलै आपणैं कार-करिंदै लै हुकम, तम्हैं आणा कहा बेटल़ी लोल़ी ज़ुंण मणशाण झ़ैऊआ।
तिन्नैं बोलअ, "एनदोर नगरी आसा एक बेटल़ी ज़ुंण मणशाण झ़ैऊआ।"
15 शमूएलै बोलअ शाऊला लै, "तूह किल्है आसा मुंह हंतदअ लागअ द? तंऐं किल्है फरेऊअ हुंह बापस?"
शाऊलै दैनअ ज़बाब, "मुल्है पल़ी खास्सी आफ़त! पलिश्ती आसा मुंह संघै जुधा लै डेरै पाऐ दै अर बिधाता बी डाहअ हुंह कल्ही शोटी! ऐबै नां सह मेरै धैनै-सुपनै एछदअ अर नां मुंह संघै कहा गूरा बाती गल्ला करदअ। तैही शादअ मंऐं तूह ताकि तूह मुखा खोज़े कि हुंह ऐबै किज़ै करूं?"