शधाणूं 18

करिन्थ नगरी दी

1 तेखअ आअ पल़सी एथेंस नगरी छ़ाडी करिन्थ नगरी लै, 2 अर तिधी भेटअ एकी अकबिला नाओंए यहूदी का, तेऊए ज़ल्म त पुंतुस नाओंए मुल्खै हुअ द। सह त तेऊए लाल़ी प्रिस्किला संघै नऊंअ-नऊंअ इटल़ी देशा का करिन्थ नगरी लै आअ द। किल्हैकि क्लौदिउस माहा राज़ै दैनअ त सोभी यहूदी लै रोम नगरी का डेऊणेओ हुकम। पल़सी डेऊअ तिन्‍नां सेटा लै। 3 अकबिला अर प्रिस्किला करा तै तरपाला बणाणैं अर बेच़णेंओ बपार अर पल़सीओ बी त अह ई बपार। एते तैणीं रहअ पल़सी तिन्‍नां संघा अर तिन्‍नैं किअ कठा काम।