करारो मणशू
10 "किक्करे काठा करै बणाऐं एक मणशू, सह लोल़ी ढाई हाथ लाम्मअ, डेढ हाथ उछ़टअ अर डेढ हाथ बिरलअ बणअ। 11 तेखअ महल़ै तेता बागा-भितरा का च़ोखै सुन्नैं करै अर मणशू प्रैंदै लाऐ च़ऊ बाखा सुन्नें काणस। 12 सुन्नें च़ार कल़ोलै बणाईं लाऐ तिन्नां मणशूए च़ऊ पाऊआ दी। 13 तेखअ बणाऐं किक्करे काठे दूई लोहल़ी अर तिन्नां बी महल़ै सुन्नैं करै। 14 तिन्नां लोहल़ी पाऐ मणशू दी दुही बाखा लाऐ दै तिन्नां कल़ोलै दी, तेता करै हणअ सह मणशू कान्हा च़कणा लै। 15 एकी बारी ज़ांऊं तिंयां लोहल़ी कल़ोलै दी लाई हेरी, तेखअ निं तिन्नां मणशू का पोर्ही काढी।
16 "ज़ुंण शिला मुंह ताखा दैणीं, तेथ हणअ मेरअ बधान अर हुकम लिखअ द, तिन्नां डाहै तेऊ मणशू भितरी।
17 "तेखअ बणाऐं तेऊ मणशू लै ढाई हाथ लाम्मअ अर डेढ हाथ बिरलअ ढक्कण25:17 ढक्कण आसन, तेऊ बी महल़ै च़ोखै सुन्नैं करै।25:17 इब्रा. 9:5
18,19 "तेखअ बणाऐं सुन्नअ गल़ाऊई-ढल़ाऊई करै दूई फैंखा आल़ै करूब नाओंए स्वर्ग दूत, संघा लाऐ तिन्नां ओर्ही-पोर्ही ढक्कणे दोहरै मुंडै। 20 तिन्नां करूबे फैंख बणाऐं मणशूए ढक्कणा प्रैंदै इहै कि तिन्नें फैंख लोल़ी मणशूए ढक्कणा प्रैंदै सारै दी फुआरुऐ दै हुऐ अर तिंयां करूब लोल़ी ढक्कणा बाखा स्मोहरै रहै। 21 तेखअ तिंयां शिला ज़ेथ मंऐं हुकम आसा लिखै दै, तिंयां दैणीं मुंह ताखा, तिन्नां डाहै मणशू भितरी संघा लाऐ तेऊ ढक्कणा मणशू प्रैंदै।
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)