Lucas 15

3 तेखअ खोज़ी ईशू तिन्‍नां का एक होर कथ्या, 4 "तम्हां मांझ़ै इहअ कुंण मणछ आसा कि ज़सरी शौ भेडा होए, तिन्‍नां मांझ़ै एक लुक्‍की दी होए अर सह रहा नडिनुंऐं भेडा छ़ाडी तैहा लुक्‍की दी भेडा लोल़अ तेभै तैणीं लागी, ज़ेभै तैणीं सह भेड़ भेटी निं जाए?✝15:4 एज. 34:11-12,16

5 "तेखअ ज़ांऊं सह भेड़ तेऊ भेटी जाए, तेखअ फिरनअ तेऊ बडअ खुशी-खुशी तैहा भेडा कान्हा च़की। 6 आपणैं घअरै पुजी खोज़ा तेखअ सह सोभी साथी-संघी कठा करी इहअ ‘बेघै खास्सी खुशीए गल्‍ल हुई, मेरी ती भेड़ लुक्‍की दी अर सह गई मुंह भेटी।’

7 "हुंह बोला तम्हां का इहअ कि ठीक इहअ ई करै पापो प्राश्त करनै आल़ै पापी मणछे बारै बी हआ स्वर्गै एही ई खुशी, ज़ेतरअ कि तम्हां ज़िहै नडिनुंऐं धर्मीं मणछे बारै निं हंदी, ज़ुंण ऐबै पाप निं करदै!