लूका 18

फरीसी अर कारै गराहणै आल़ेए कथ्या

9 तेखअ खोज़ी ईशू कई लोगा का कथ्या ज़ुंण आप्पू दी इहअ भरोस्सअ करा तै, कि हाम्हैं तिंयां आसा धर्मीं, अर होरी समझ़ा तै तिंयां बृथा, 10 "एकी बारी थिऐ दूई मणछ, तिंयां डेऊऐ भबनै प्राथणां करदै। एक त फरीसी अर दुजअ त कारै गराहणै आल़अ। 11 फरीसी लागअ खल़अ उझ़ुई आपणैं मन्‍नैं एही प्राथणां करदअ, ‘हे परमेशर, हुंह करा तेरअ शूकर कि हुंह निं इना होरी मणछा ज़िहअ बूरअ आथी, नां इना च़ोरी अर घात करनै आल़अ आथी, नां हुंह इना कंज़रै लोगा ज़िहअ आथी। नां हुंह एऊ कारै गराहणै आल़अ आथी ज़ुंण लोगा का च़लाकी करै लुटा। 12 हुंह करा हबते दूई बारी ब्रत अर आपणीं सारी कमाईओ दसुअ हेस्सअ बी दैआ हुंह तेरै भबनै।’

13 "पर तेऊ कारै गराहणै आल़ै निं दूर खल़्हुई करै स्वर्गा बाखा भाल़णअ बी च़ाहअ, तेऊ बोलअ आपणीं हिक्‍का पटाक्‍की प्राश्त करी, ‘हे परमेशर हुंह आसा पापी मुल्है कर झींण।’ ✝ 18:13 भज. 51:1

14 "हुंह बोला तम्हां लै इहअ कि सह दुजअ निं पर अह ई कारै गराहणै आल़अ मणछ डेऊअ धर्मीं बणी करै आपणैं घअरा लै। किल्हैकि ज़ुंण बी आप्पू बडअ समझ़े, सह करनअ होछ़अ अर ज़ुंण आप्पू होछ़अ समझ़े, सह करनअ बडअ।"