15 तम्हैं झुटै सिधअ आपणैं ई कुहै का पाणीं!
मतलब सिधअ आपणीं ई बेटल़ी लै झ़ूरै।
16 तम्हैं निं एही सोबल़ा ज़िहै लोल़ी हुऐ ज़ेता का कज़ोहै बेटल़ी झुटा,
तिन्नां संघै बस्सी हुई दी लुआदा करै हणअ थारअ ई घाटअ!
17 आपणीं सोबल़ो पाणीं डाहा तम्हैं आप्पू लै आपणीं बेटल़ीए तैणीं,
अह निं होरी बेटल़ी लै बांडणां लै आथी।
18 खारकी अमरा लोल़ी तेरी लाल़ी ताल्है भरी कुहै ज़ेही बर्गत हुई,
तूह रहै तैहा ई संघै खुश अर मगन।
19 सह लोल़ी ताल्है हरनी ज़ेही लोभणैं आल़ी हुई,
तेसे हिक्का भाल़ी लोल़ी तेरअ शाह हरअ फिरअ
अर तम्हैं लोल़ी एकी-दुजै लै खास्सै झ़ूरै।
20 ए मेरै शोहरूआ, तूह होरीए बेटल़ी भाल़ी किल्है पल़ा ज़ाहै-मोहै?
अर होरी बेटल़ी संघै किल्है मल़्हैछिया?
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)