8 एही बेटल़ी का रहै तम्हैं दूर ई!
तम्हैं निं तेसे दुआरे डेहल़ा नेल़ बी डेऊई!
9 इहअ करै हणअ थारअ आपणअ ज़ुआनीओ अदर खतम
अर आपणीं बाकी ज़िन्दगी बी करनी तम्हां इहअ करै नर्दैई लोगे बशै।
10 तेखअ पाणीं थारी ज़ैदात बी बगैनै,
अर ज़ेथ तम्हैं मैन्थ हणीं किई दी सह च़ीज़ हणीं होरीए।
11 ज़ांऊं खिरी तम्हां ज़ोर-ज़ाहण निं रहणैं,
तेभै बोल़णअ तम्हां दाह धका दी मुंडै हाथ लाई इहअ,
12 "मंऐं सैणें शिक्षा किल्है निं बोल़ी आद डाही?
ज़ुंण मुंह नैरा-समझ़ाऊआ तै, मंऐं तिन्नें किल्है निं शूणीं।
13 मेरै गूरूए शिक्षा दी निं मंऐं धैन दैनअ,
मुंह हुअ त तेथ आपणअ मन्न लाणअ।
14 ऐबै च़ाल्लअ हुंह पठी बरैबाद हई,
ऐबै निं हुंह सभा दी लोगा का मुंह रहैऊंणै जोगी रहअ।"
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)