2 Coríntios 11

24 Yuda bi ɔmɛ fiaa mi kpa si enuɔ sɔuu, eko fɛɛ eko mi ɔ, a fiaa mi kpa nyingmi etɛ kɛ nɛɛ. 25 A fiaa mi dade kpa si etɛ; a fiaa mi tɛ si kake, nɛ i kɛ pa nɔ lɛ ya butu si etɛ. I tlɔ wo nɔ nyɔ kɛ pia si kake. 26 I hia blɔ kɛ ya hehi fuu, nɛ i na nɔ ngɛ pahi nɛ hia a nɔ; nɛ i na nɔ ngɛ ojo fiali kɛ ye wekuli Yuda bi ɔmɛ kɛ ma je li ɔmɛ tsuo a dɛ mi. Ja a nɔuu i ná oslaa agbohi ngɛ awi yeli a dɛ mi ngɛ mahi a mi, kɛ ngahi a nɔ, kɛ wohi a nɔ, kɛ nihi nɛ tsɛɔ a he nyɛmimɛ ngɛ Kristo mi se a be ja a, a dɛ mi. 27 Nɛ pɔ tɔɔ mi ngɛ ni tsumi kɛ nyɔ fɔmi mi; nɛ behi fuu ɔ, hwɔ kɛ kuma ye mi. I ha hwɔ nɛ i nyɛɛ fiɛ̃ mi nɛ fiɛ̃ ye mi, ejakaa i be tade bɔ nɛ sa nɛ i woɔ.