Korinto 2 4

Wa nɔmlɔ tso nɛ puɛɛ ɔ

7 Se wa dla kikɛmɛ a june nɛ ɔ nɛ ji la kɛ he wami nɛ ngɛ kpɛe ngɛ wa mi amlɔ nɛ ɔ ngɛ wa nɔmlɔ tso ɔmɛ nɛ gbɔjɔ nɛ puɛɛ ɔmɛ a mi. Nɔ fɛɛ nɔ maa na kaa Mawu anunyami he wami nɛ ngɛ wa mi se pi wɔ nitsɛmɛ wa nɔ.

8 Wa naa haomi ngɛ he fɛɛ he, se wa yeɔ kunimi; wa yi mi peeɔ wɔ sikɔsikɔ ngɛ níhi nɛ baa wa nɔ ɔmɛ a he, ejakaa wa li nɔ nɛ he je nɛ a baa ngɛ, se wa nine mi gbɔjɔɔ we. 9 A waa wɔ yi mi, se Mawu kua we wɔ; a fiaa wɔ si, se wa gbo we nɛ wa teɔ si ekohu. 10 Daa nɛ ɔ, wa nɔmlɔ tso ɔmɛ kɛ gbenɔ ngɛ kpee kaa bɔ nɛ e ba mi ha Yesu ɔ; nɛ nɔ tsuaa nɔ naa faii kaa Kristo hɛ kalɔ ɔ nɛ ngɛ wa mi ɔ nɛ ha wa ngɛ wami mi.

11 Nɛ daa nɛ ɔ wa ngɛ gbenɔ dɛ mi ngɛ Nutsɔ ɔ nɛ wa ngɛ sɔmɔe ɔ he, se enɛ ɔ haa wɔ he blɔ nɛ wa kɛ jeɔ Yesu Kristo he wami nɛ ngɛ wa nɔmlɔ tsohi nɛ gboɔ ɔmɛ a mi ɔ kpo kɛ tsɔɔ.