10 Nɛ e wo mi ngɛ ni nami ɔ mi kɛ ho yoku ploplooplo ko yi kpɛti ya, nɛ i na jamɛ a nyakpɛ ma nɛ ji Yerusalem Klɔuklɔu ɔ nɛ ngɛ si kplee kɛ je Mawu ngɔ ngɛ bɔ kuu ɔmɛ a mi. 11 E hyi kɛ Mawu anunyami ɔ nɛ e ngɛ kpɛe kaa tɛ nɛ he jua wa, nɛ e mi tsɔ kaa nɔ́ ko nɛ ngɛ kaa ahuhuɛ. 12 E gbogbo ɔmɛ bli, nɛ a ya hiɔwe, kɛ agbohi nyɔngma kɛ enyɔ nɛ bɔfohi nyɔngma kɛ enyɔ ngɛ bue ngɛ a nya. A ngma Israel wɛtso nyɔngma kɛ enyɔ ɔmɛ a biɛhi ngɛ agbo ɔmɛ a nɔ. 13 Agbohi etɛ ngɛ kasa fɛɛ kasa, wo mi blɔ, jɔ mi blɔ, puje he kɛ pu sinɔ he. 14 A fia gbogbo ɔmɛ ngɔ fɔ tɛhi nyɔngma kɛ enyɔ nɔ kaa sisi tomi tɛhi. Nɛ a ngma Tobi ɔ e kaseli nyɔngma kɛ enyɔ ɔmɛ a biɛhi ngɛ a nɔ.