Mateus 1

Kwiwuka kwa Yesu Kristu

18 Hangu ndo Yesu Kristu ntambu yakiwukiti, Mariya mawu gwakuyi Yesu kaweriti kahetitwi na Yosefu. Kumbiti pamberi pa kulikala pamuhera gambira mpalu na mdala, kawonikaniti kana yinda kwa uwezu wa Rohu Mnanagala. 19 Yosefu mpalu gwakuyi kaweriti kamfiriziya Mlungu, kafiriti ndiri kumlanguziya kwa wantu kuwera kana vidoda, su kafiriti kumleka kwa bada. 20 Pakaweriti kankali kankulihola hangu, malayika kamulawira mukulota na kumgambira, "Yosefu mwana gwa Dawudi, nagutira kumtola Mariya kaweri mdala gwaku. Mana kana yinda kwa uwezu wa Rohu Mnanagala. 21 Hakamwiwuli mwana mpalu, nagwenga hagumshemi Yesu, toziya yomberi ndo hakawalopoli wantu kulawa muvidoda vyawu."