1 जो दस्तखत करीं बे जे हैं। हकल्याह को लौड़ा नहेम्याह जो राजा रहै, और सिदकिय्याह;

2 सरायाह, अजर्याह, यिर्मयाह,

3 पसहूर, अमर्याह, मल्किय्याह;

4 हत्तूस, सबन्याह, मल्लूक;

5 हारीम, मरेमोत, ओबघाह;

6 दानिय्येल, गिन्नतोन, बारूक;

7 मसुल्लाम, अबिय्याह, मिय्यामीन;

8 माज्याह, बिलगै और समायाह; जे तौ पुजारी रहैं।

9 लेवी जे रहैं: आजन्याह को लौड़ा ईसु, हेनादाद की सन्तान मैं से बिन्नूई और कदमीएल;

10 और उनके भईय्या सबन्याह, होदिय्याह, कलीता, पलायाह, हानान;

11 मीका, रहोब, हसब्याह;

12 जक्कूर, सेरेब्याह, सबन्याह;

13 होदिय्याह, बानी और बनीनू।

14 लोगन के अगुवा जे रहैं: परोस, पहत्मोआब, एलाम, जत्तू, बानी;

15 बुनी, अजगाद, बेबै;

16 अदोनिय्याह, बिगवै, आदीन;

17 आतेर, हिजकिय्याह, अज्जूर;

18 होदिय्याह, हासूम, बेसई;

19 हारीप, अनातोत, नोबै;

20 मग्पीआस, मसुल्लाम, हेजीर;

21 मेसेजबेल, सादोक, यदूद;

22 पलत्याह, हानान, अनायाह;

23 होसे, हनन्याह, हस्सूब;

24 हल्लोहेस, पिल्हा, सोबेक;

25 रहूम, हसब्ना, मासेयाह;

26 अहिय्याह, हानान, आनान;

27 मल्लूक, हारीम और बाना।

28 बचे भै लोग मतलब पुजारी, लेवी, द्वारपाल, गबईय्यन और मन्दिर के सेवक, और जितने परमेस्वर की व्यवस्था कै मानन के ताहीं देस-देस के लोगन से अलग भै रहैं, बे सब अपनी बईंय्यरन और लौड़ा-लौड़ियन समेत जो समझन बारे रहैं, 29 अपने भईय्या नेतन से मिलकै कसम खाई, कि हम परमेस्वर की बौ कानून के नियम मैं चलंगे जो बाके दास मूसा के जरिये से दई गई है, और अपने प्रभु परमेस्वर की सब आग्यन, नियमन, और बिधियन कै मानन मैं चौकसी करंगे।

30 हम ना तौ अपनी लौड़ियन कै जौ देस के लोगन कै बिहाए देंगे, और न लौड़न के ताहीं उनकी लौड़िया बिहाए लेंगे;

31 और जब जौ देस के लोग विस्राम दिन कै अन्न या कोई बिकाऊ चीज बेचन कै लैकै आंगे तौ हम उनसे ना तौ विस्रामदिन कै ना कोई पवित्र दिन कै कुछ लेंगे; और सातमें साल मैं जमीन पड़ी रहन देमंगे, और अपने-अपने लगान की वसूली छोड़ देमंगे।

32 फिर हम सब जनी ऐसो नियम बाँध लै, जोसे हमकै अपने परमेस्वर के भवनकी सेवा करन के ताहीं हर साल एक-एक तिहाई सिक्का देने पड़ैगो।

33 मतलब भेंट की रोटी नित्य अन्नबलि और नित्य होमबलि के ताहीं, और विस्राम दिनन, नये जोनी, और नियत त्योहारन के बलिदानन और दुसरी पवित्र भेंटन और इस्राएल के प्रास्चित के निमित्त पापबलियन के ताहीं, मतलब अपने परमेस्वर के भवन के सब कामन के ताहीं।

34 फिर का पुजारी, का लेवी, का साधारँड़ लोग, हम सब भी जौ बात कै रोकन के ताहीं चिट्ठी डारे, कि अपने पूर्वजन के घरन के अनुसार हर साल ठहराए भै समय मैं कठिया की भेंट कानून की किताब मैं लिखी भई बात के अनुसार हम अपने प्रभु परमेस्वर की बेदी मैं जलान के ताहीं परमेस्वर के भवन मैं लाए करंगे।

35 हम अपनी-अपनी जमीन की पहली उपज और सब अलग-अलग पेंड़ के पहले फल हर साल प्रभु के भवन मैं लै आमंगे।

36 और कानून की किताब मैं लिखी भई बात के अनुसार, अपने-अपने पहले लौड़ा और जानवरन, मतलब पहले बरधा और मेम्नन कै अपने परमेस्वर के भवन मैं बे पुजारियन के झोने लाए करंगे, जो हमरे परमेस्वर के भवन मैं सेवा टहल करत हैं।

37 हम अपनो पहलो मड़ो भौ चून, और उठाई भई भेंटन, और हर एक तराहनी के पेंड़न के फल, नया दाखमधु, ताजो तेल, अपने परमेस्वर के भवन की कुठरियन मैं पुजारियन के झोने, और अपनी-अपनी जमीन की उपज को दसमों हिस्सा लेवियन के झोने सेवा के ताहीं लाए करंगे; काहैकि बे लेवी हैं, जो हमरी खेती के सब नगरन मैं दसमांस लेथैं।*

38 जब लेवी दसमांस लेमैं, तब-तब उनके संग हारून के लौड़न मैं से कोई पुजारी रहे करै; और लेवी दसमांसन को दसमांस हमरे परमेस्वर के भवन की कुठरियन मैं पहोंचाए करैं। 39 काहैकि जो कुठरियन मैं पवित्र जघन के बर्तन और सेवा टलह करन बारे पुजारी, द्वारपाल, और गबईया रहत रहैं, बामैं इस्राएली लोग और लेवी अनाज, नये दाखमधु, ताजे तेल की उठाई भई भेंट पहोंचामंगे। जो तरहन से हम अपने परमेस्वर के भवन कै नाय छोड़ंगे।