नहेम्याह अपने काम मै जीत हासिल करी
1 जब सम्बल्लत सुनी कि यहूदि लोग दीवार को दुबारा बनानो सुरु कर दईं हैं, तौ बौ रिसियान लग गौ और हमरो मजाक उड़ान लगो। 2 बौ अपने भईय्यन के और सामरिया की सेना के सामने जौ कहन लगो, "बे कमजोर यहूदी का करनो चाहथैं? का बे अपने बल से काम करंगे? का बे अपनी जघा मजबूत करंगे? का बे हवन करंगे? का बे मट्टी के ढेरन मैं के जले भै पथरन कै फिर नया सिरा से बनांगे?"
3 अम्मोन देस को तोबियाह बाके संग रहै, और बौ कहन लगो, "जो कछु बे बनाए रहे हैं, अगर कोई गीदड़ भी बामैं चढ़ जाबै, तौ बौ उनकी बनाई भई पथरा की दीबार कै तोड़ देगो।"
9 लेकिन हम लोग अपने परमेस्वर से प्रार्थना करे, और दुस्मन के हमला से बचन के ताहीं दिन-रात के ताहीं पहरुआ बैठाए दै।
16 और बौ दिन से मेरे आधे सेवक तौ बौ काम मैं लगे रहे, और आधे बर्छी, तलवार, तीर धनुस और कवज कै धारड़ करे रहत रहैं; और यहूदा के पूरे घराने के पच्छू, अधिकारी रहे करत रहैं। 17 दीबार कै बनान बारे और बोझ कै ढोनबारे दोनों बोझ कै उठात रहैं, मतलब एक हात से काम करत रहैं, और दुसरे हात से हथियार पकड़े रहत रहैं। 18 राजमिस्त्री अपनी-अपनी जाँघ मैं तलवार लटकाए कै दीबार बनान को काम करत रहैं। और लोगन कै चाहचीते करन ताहीं तुरहई कै फूँकन बारो मेरे झोने रहत रहै। 20 जौ बजह से जहाँ से तुरहई तुमकै सुनाई देबै, उतई हमरे झोने जुराए जईयो। हमरो परमेस्वर हमरे घाँईं से लड़ैगो।"