8 बे परमेस्वर की व्यवस्था की किताब से पढ़कै मतलब समझा दई; और लोग पाठ कै समझ लईं।
9 तब नहेम्याह जो अधिपति रहै, और एज्रा जो पुजारी और सास्त्री रहै, और जो लेवी लोगन कै समझत रहैं, बे सब लोगन से कहीं, "आज को दिन तुमरे परमेस्वर प्रभु परमेस्वर के ताहीं पवित्र है; तभई विलाप मत करौ और नाय रोबौ।" काहैकि सब लोग व्यवस्था के वचन सुनकै रोत रहैं। 10 फिर नहेम्याह उनसे कहीं, "जाएकै अच्छो-अच्छो खानु खाबौ और मीठो-मीठो रस पीबौ, और जोके ताहीं कुछ तैयार नाय भौ उनके झोने खानु की सामग्री भेजौ; काहैकि आज को दिन हमारे प्रभु के ताहीं पवित्र है; और उदास मत होबौ, काहैकि प्रभु परमेस्वर को आनन्द तुमरो दृढ़ गढ़ है।"
11 फिर लेवियन सब लोगन कै जौ कहकै चुप कराए दई, "चुप रहबौ काहैकि आज को दिन पवित्र है; और उदास मत रहबौ।" 12 तब सब लोग खानु, पीनो, खानु सामग्री भेजन और बड़ा आनन्द मनान कै चले गै, काहैकि जो वचन उनकै समझाए गै रहैं, और बे समझ गै रहैं।