23 ଆମାଃ ମନ୍‌ସୁରୁଦ୍‌କେ ପୁରାଃ ଜାତାନ୍‌ କେଦ୍‌ତେ ଦହେମେ, ଚିଆଃଚି ଏନା ଜୀଦାନ୍‌ରାଃ ମିଆଦ୍‌ ଲିଙ୍ଗିୟଃତାନ୍‌ ସେତେଙ୍ଗ୍‌ ତାନାଃ। 24 ବେଦା କାଜିକ ଆମାଃ ମଚାତେ ଆଲମ୍‌ କାଜିୟା ଓଡ଼ୋଃ ବେଦା କାଜି ହେତେ ପୁରାଃ ସାଙ୍ଗିନ୍‌ରେ ତାଇନ୍‌ମେ। 25 ଆମାଃ ମେଦ୍‌ ଆୟାର୍‌ତେ ନେଲେକା ଓଡ଼ୋଃ ଆୟାର୍‌ତେ ନେଲେ ନାଙ୍ଗ୍‌ ଆମାଃ ମେଦ୍‌ ଆଲମ୍‌ ଜାପିଦ୍‌ ରିକାୟା। 26 ଆମ୍‌ ଆମାଃ କାଟା ତାଲ୍‌କାକେ ସିଧାଗି ଦହଏମେ ଓଡ଼ୋଃ ଆମାଃ ସବେନ୍‌ ହରା ବୁଗି ଲେକା ତାଇନାଃ। 27 ଲେଙ୍ଗାସାଃ ଚାଏ ଜମ୍‌ସାଃ ଆଲମ୍‌ ସେନା ଓଡ଼ୋଃ ଆମାଃ କାଟା ଏତ୍‌କାନ୍‌ ହରା ହେତେ ସାଙ୍ଗିନ୍‌ରେ ତାଇନ୍‌କା।